Ranajagjitsinha Patil On Omraje Nimbalkar : धाराशिव (Dharshiv) नगरपालिकेच्या निवडणुकीत भाजपचे आमदार व नेते राणाजगजितसिंह पाटील (Ranajagjitsinha Patil) व खासदार ओमराजे निंबाळकर यांच्यामध्ये जिल्हा नियोजन समितीच्या निधीवरून जोरदार जुंपली आहे. खासदार ओमराजे निंबाळकर (Omraje Nimbalkar) यांनी आमदार राणाजगजितसिंह पाटील यांच्यावर निधीला स्थगिती दिल्याचा आरोप केलाय. त्याला राणाजगजीतसिंह पाटील यांनी जोरदार प्रत्युत्तर दिलंय. धाराशिवसाठी मीच 140 कोटी रुपये मंजूर करून आणले होते. आता या निधीची स्थगिती उठविली गेली आहे. आचारसंहिता उठल्यानंतर रस्त्याचे कामे होणार आहे. सत्तेस असताना आमदार , खासदारांनी धाराशिवसाठी रुपया आता आला का ? असा सवाल आमदार राणाजगजितसिंह पाटील यांनी केलाय. त्यांनी खासदार ओमराजे निंबाळकर, आमदार कैलास पाटील यांना जोरदार सुनावले आहे. ( Ranajagjitsinha Patil On Omraje Nimbalkar Dharshiv nagarpalika election)
सत्तेसाठी असताना एक रुपया दिला नाही
काहींनी निधीला स्थगिती देऊन धाराशिवचे वाटोळे केल्याचा आरोप ओमराजे निंबाळकरांनी केलाय. त्यावर आमदार राणाजगजितसिंह पाटील म्हणाले की, आमदार, खासदार दोघेही अडीच वर्षे सत्तेत होते. तेव्हा त्यांनी काय केले. धाराशिव जिल्ह्यासाठी, धाराशिव शहरासाठी, तुळजापूरसाठी काय केले. आई तुळजाभवानी मंदिरासाठी मी उद्धव ठाकरे यांच्याकडे पैसे मागितले होते. पण त्यांनी एक रुपया दिला नाही. खासदार व आमदारांनी मदत केली नाही.
रेल्वेसाठी 50 टक्के निधी राज्याकडून यायचा होता. शेवटपर्यंत उद्धव ठाकरे यांच्या सरकारने एक रुपया दिला नाही. तत्कालीन परिवहन मंत्री अनिल परब यांच्याविरुद्ध विधानसभेत मी हक्कभंग आणला होता. तरीही सुद्धा धाराशिवला येणाऱ्या रेल्वेसाठी 50 टक्के पैसे राज्य सरकारने दिले नाही. तेव्हा आमदार व खासदारांनी काय केले. मुख्यमंत्री, पालकमंत्री, खासदार व आमदारही शिवसेनेचे होते, असे राणाजगजितसिंह पाटील म्हणाले.
नव्याने निधी मिळणार स्थगिती उठली-राणाजगजितसिंह पाटील
डीपीडीसीच्या निधीचा गैरप्रकार झाला आहे. त्याची चौकशी झाली आहे. आता नव्याने निधी देणार आहे. सर्व स्थगिती उठली आहे. धाराशिवला 140 कोटी रुपये रस्त्यासाठी मी मंजूर करून आणले आहेत. तुळाजपूर आणि नळदुर्गला अडीचशे कोटी रुपये नगरोत्थानमधून उपलब्ध करून दिले आहे. सत्तर टक्के काम झाले आहे. धाराशिवला काम का झाले नाही, असा सवाल त्यांनी केलाय.
आणलेला निधी मी थांबवेल का ?
धाराशिवला निधी मिळण्यासाठी तत्कालीन उपमुख्यमंत्री देवेंद्र फडणवीस यांना मी विनंती केली होती की, मुख्यमंत्री शिंदेंकडून मला निधी उपलब्ध करून द्या. ते खास बाबा म्हणून शिंदे यांच्याशी बोलले. फेब्रुवारी 2024 जीआर निघाला आहे. निधी मी आणला. मी तुळजापूरचा आमदार व धाराशिव माझे म्हणून धाराशिवला निधी आणला आहे. आणलेला निधी मी थांबवेल का ? झारीतील शुक्राचार्य आहेत. त्यांनी गंमती केल्या आहेत. वास्तव आहे. काल पालकमंत्री प्रताप सरनाईक यांनी स्पष्ट केले आहे. 4 नोव्हेंबरला उपमुख्यमंत्री एकनाथ शिंदे यांच्या उपस्थित बैठक झाली आहे. रस्त्यासाठीच्या निधीची स्थगिती उठविले आहे. आचारसंहिता संपुष्टात आल्यानंतर कामे सुरू होतील, असे आमदार राणाजगजितसिंह पाटील म्हणाले.
लोकप्रतिनिधी म्हणजे रीलस्टार बाळ
लोकप्रतिनिधी हा रीलस्टार आहेत. ते विसरतात लोकप्रतिनिधी आहेत म्हणून, रीलस्टार बाळ म्हणायला हरकत नाही. काम काय केले ? लोकप्रनिधीने सकारत्मक राहिले पाहिजे. रात्री दिवसा माझ्यावर व माझ्यावर परिवारावर टीका केली जात आहे. हे लोकप्रतिनिधीचे काम नाही. स्वतः काय काम केले ते सांगावे आहे. जनतेसमोर मांडावे. धाराशिवसाठी काय आराखडा आहे. किती निधी आणणार आहे. कुठलेही काम केले नाही. सत्तेत असताना काही जमले नाही. वैफल्यग्रस्त होऊन बोलत असतात. जनता त्यांना किंमत देत नाही. जनतेने समजून घ्यावे, करणारे लोक कोण आहेत. आम्ही करणारे आहोत, निधी आणणारे आहे. ते नुसते बोलणारे आहेत. सत्तेत असताना मीच निधी आणू शकतो, हा विश्वास जनतेमध्ये आहे, असे राणाजगजितसिंह पाटील म्हणाले.