Devendra Fadanvis Udhhav Thackeray Discussions on BMC mayor’Megaplan’ to corner Shinde : मुंबई महापालिकेच्या निकालानंतर आता खरी राजकीय लढाई सुरू झाली आहे—ती म्हणजे महापौरपदाची. संख्याबळात अव्वल ठरलेल्या भाजपकडे ८९ नगरसेवक असले तरी, स्पष्ट बहुमताच्या आकड्यापासून अजूनही अंतर आहे. आणि याच ठिकाणी केवळ २९ नगरसेवक असलेल्या एकनाथ शिंदे यांच्या शिवसेनेने भाजपला अडचणीत टाकत आपल्या राजकीय किमतीत अचानक वाढ करून घेतली आहे.
देशातील मोठ्या राजकीय कुटुंबातील कलह समोर, थेट घटस्फोट देण्यापर्यंत गेली कहाणी
महापौरपदासाठी शिंदेसेना ठाम भूमिका घेत अडून बसल्याची चर्चा आहे. भाजप सर्वात मोठा पक्ष असला, तरी शिंदेंच्या पाठिंब्याशिवाय महापौर बसवता येणार नाही—ही वस्तुस्थिती सध्या भाजपच्या गळ्याशी अडकलेली आहे. याच पार्श्वभूमीवर मुख्यमंत्री देवेंद्र फडणवीस आणि उद्धव ठाकरे यांच्यात पडद्याआड संवाद सुरू असल्याची खळबळजनक चर्चा राजकीय वर्तुळात रंगू लागली आहे.विशेष म्हणजे ही चर्चा थेट भाजपच्या सूत्रांकडून माध्यमांत पेरली जात असल्याचं बोललं जात आहे. यामागचा उद्देश स्पष्ट आहे—शिंदेसेनेवर दबाव वाढवणे आणि त्यांची महापौरपदासाठीची आक्रमक मागणी सौम्य करणे. म्हणजेच, संख्या कमी असूनही भाव वाढलेल्या शिंदेसेनेला राजकीय कात्रीत पकडण्याचा प्रयत्न.
भन्साळींचा ‘लव्ह अँड वॉर’ 2026 मध्ये प्रदर्शित होणार; 2027 च्या अफवांना सूत्रांकडून फेटाळणी
या सगळ्यात आणखी एक धक्कादायक बाब समोर येते आहे. मुंबईत महापौर निवडीवेळी शिवसेना (उद्धव बाळासाहेब ठाकरे) गटाचे तब्बल ६५ नगरसेवक अनुपस्थित राहतील, असा ‘मेगाप्लॅन’ आखला जात असल्याची चर्चा आहे. या अनुपस्थितीमुळे सभागृहातील उपस्थिती कमी होणार आणि बहुमताचा आकडा खाली येणार—ज्याचा थेट फायदा भाजपला होऊ शकतो, पण शिंदेंच्या शिवसेनेला मात्र काहीच साध्य होणार नाही.
हृदयात खोलवर उतरणारी प्रेमकहाणी! मृणाल-सिद्धांतच्या ‘दो दीवाने सहर में’चा बहुप्रतिक्षित टीझर रिलीज
हा सगळा डाव केवळ मुंबईपुरता मर्यादित नाही. कल्याण–डोंबिवली महापालिकेत शिंदेसेनेने ठाकरे गटाचे नगरसेवक फोडण्याचे प्रयत्न सुरू केल्याने उद्धव ठाकरे प्रचंड नाराज असल्याची माहिती आहे. त्या नाराजीचा राजकीय ‘रिप्लाय’ म्हणूनच मुंबईत हे पाऊल उचलले जात असल्याचे सांगितले जाते. कल्याण–डोंबिवलीत फोडाफोड, तर मुंबईत अनुपस्थिती—हा एकमेकांना दिलेला राजकीय शह मानला जात आहे.
बीडमध्ये खळबळ! जीएसटी अधिकाऱ्याचा कारमध्ये आढळला मृतदेह
मुंबईत भाजप–शिवसेना युतीकडे एकूण ११८ जागा आहेत. बहुमताचा आकडा ११४ असला, तरी स्पष्ट बहुमत भाजपकडे एकट्याने नाही. त्यामुळे शिंदेंच्या २९ नगरसेवकांचे महत्त्व प्रचंड वाढले आहे. याच कारणामुळे शिंदेंनी आपल्या नगरसेवकांना पंचतारांकित हॉटेलमध्ये ‘सुरक्षित’ ठेवले असून, महापौरपदासोबतच स्थायी समिती, बेस्टसारख्या महत्त्वाच्या समित्यांवरही दावा ठोकल्याचे बोलले जात आहे.दरम्यान, शिंदे यांनी मुंबईत ठाकरे गटाचे १२ नगरसेवक फोडण्याची तयारी सुरू केल्याची माहिती मिळताच, उद्धव ठाकरे यांनी थेट देवेंद्र फडणवीस यांच्याशी संपर्क साधल्याची चर्चा आहे. यानंतरच पडद्यामागील हालचालींना वेग आला आणि ‘६५ नगरसेवक अनुपस्थित’ हा पर्याय गंभीरपणे चर्चेत आला.
ब्रेकिंग : महापौर आरक्षण सोडतीचा मुहूर्त ठरला; वेळ, ठिकाणाबाबत अधिसूचना निघाली
या संपूर्ण खेळात ठाकरे गटाला थेट सत्ता मिळणार नसली, तरी शिंदेंना महापौरपदापासून दूर ठेवण्याचे समाधान हा प्रमुख हेतू असल्याचे राजकीय जाणकार सांगतात. भाजपलाही शिंदेंच्या वाढत्या मागण्या कमी करण्यासाठी हा पर्याय सोयीचा वाटत असल्याची चर्चा आहे.एकूणच, मुंबईच्या महापौरपदासाठी केवळ संख्याबळावर नव्हे, तर रणनीती, सूडनिती आणि परस्परांवरील शह–काटशह यावर निर्णय ठरणार असल्याचे चित्र आहे. आता खरा प्रश्न एकच—हा मेगाप्लॅन प्रत्यक्षात उतरेल का, की मुंबईचं राजकारण आणखी नवा वळण घेणार?