मुंबई : गणेशोत्सवाच्या (Ganeshotsav) उत्साहात एक अनोखा रंग भरण्यासाठी यंदा प्रथमच महाराष्ट्र शासनाचा सांस्कृतिक कार्य विभाग, महाराष्ट्र चित्रपट रंगभूमी आणि सांस्कृतिक विकास महामंडळ यांच्यावतीने रील स्पर्धेचे (Ganeshotsav Reels Competition) आयोजन करण्यात आले आहे. सांस्कृतिक कार्य मंत्री अॅड. आशिष शेलार (Ashish Shelar) यांच्या संकल्पनेतून ही स्पर्धा आयोजित करण्यात येत आहे. या स्पर्धेत तरुणाईला आपली सर्जनशीलता दाखवण्याची संधी मिळणार आहे. सदर स्पर्धेत सहभागी होण्यासाठी २७ ऑगस्ट ते ७ सप्टेंबरपर्यंत ऑनलाईन नावनोंदणी आणि रील अपलोड करायचे आहेत.
मराठ्यांची अडवणूक करण्यासाठी फडणवीसांना मुख्यमंत्री केलंय का? जरांगेंचा मोदी शाहंना सवाल
महामंडळाच्या व्यवस्थापकीय संचालक स्वाती म्हसे-पाटील यांच्या नेतृत्वाखाली ही स्पर्धा संपन्न होणार आहे. सदर स्पर्धा राज्यातील महसूल विभागीय स्तर, राज्यस्तर आणि महाराष्ट्राबाहेर आणि भारताबाहेरील खुला गट अशा तीन गटात होईल. रीलसाठी पर्यावरण संवर्धन, स्वदेशी, गडकिल्ले, संस्कृती, ऑपरेशन सिंदूर या थीम मध्यवर्ती ठेवून ३० सेकंद ते ६० सेकंदापर्यंत रील बनविणे अपेक्षित आहे.
महसूल विभागीय स्तरावरील विजेत्या स्पर्धकाला प्रथम पारितोषिक म्हणून २५ हजार रुपये, द्वितीय पारितोषिक रुपये १५ हजार, तृतीय पारितोषिक १० हजार, उतेजनार्थ विजेत्यास ५ हजार अशा स्वरुपात पारितोषिक दिले जाईल. या स्पर्धेतील राज्यस्तरावरील प्रथम क्रमांकाच्या विजेत्यास १ लाख रुपये, द्वितीय पारितोषिक म्हणून ७५ हजार रुपये, तृतीय पारितोषिक म्हणून ५० हजार रुपये, उतेजनार्थ पारितोषिक म्हणून २५ हजार रुपये देण्यात येईल. तर महाराष्ट्र व भारताबाहेरील विजेत्या गटातील स्पर्धकाला प्रथम क्रमांकाचे १ लाख रुपये बक्षीस, द्वितीय क्रमांकासाठी ७५ हजार रुपये, तृतीय क्रमांकासाठी ५० हजार रुपये, उतेजनार्थ म्हणून २५ हजार रुपये देण्यात येतील.
धक्कादायक! जळगावात BJP नेत्यावर कोयत्याने प्राणघातक हल्ला, प्रकृती चिंताजनक
स्पर्धेची नोंदणीकरिता गुगल फॉर्म तयार करण्यात आला असून filmcitymumbai.org या संकेतस्थळावर तसेच महामंडळाच्या सोशल मीडिया हँडल्सवर हा फॉर्म उपलब्ध आहे.
गणेशोत्सवानिमित्त रील्स स्पर्धेचे आयोजन करण्यात आले, याबाबत 250 शब्दांची सविस्तर बातमी पाहिजे. बातमी सहज आणि सोप्या शब्दात हवी आहे.
