Tesla Car Pratap Sarnaik : भारतात टेस्ला कारची प्रतीक्षा अखेर संपली आहे. 15 जुलै रोजी मुंबईतील बीकेसी येथे टेस्लाचे शोरूम सुरू करण्यात आले होते. त्यानंतर आजपासून टेस्ला कारचे वितरण अधिकृतरीत्या सुरू झाले आहे. विशेष म्हणजे देशातील पहिली टेस्ला कार महाराष्ट्राचे परिवहन मंत्री प्रताप सरनाईक यांनी खरेदी केली आहे. याआधी त्यांनी ही गाडी सर्वात प्रथम खरेदी करण्याचा निर्धार व्यक्त केला होता आणि आज तो खरा ठरला. भारतातील पहिली टेस्ला कार मला विकत घेता आली याचा मला अभिमान आहे. महत्वाचे म्हणजे मी कोणत्याही सवलतीशिवाय संपूर्ण किंमत भरून ही गाडी घेतली आहे, अशा शब्दांत मंत्री सरनाईक यांनी आपल्या भावना व्यक्त केल्या.
ही कार मी (Tesla Car) माझ्या मुलाला नव्हे तर नातवाला देत आहे. तो शाळेत ही कार घेऊन जाईल आणि सर्वांना पर्यावरणपूरक वाहनांचा संदेश देईल. जे पालक अशी कार खरेदी करू इच्छित असतील तर त्यांनी ती त्यांच्या मुलांसाठी त्यांना शाळेत सोडण्यासाठी खरेदी करावी जेणेकरून युवा पिढीत पर्यावरणाप्रती जागरुकता निर्माण करता येईल, असे मंत्री सरनाईक (Pratap Sarnaik) यांनी सांगितले. जगातील अत्याधुनिक आणि सुरक्षित वाहन म्हणून ओळखली जाणारी टेस्ला आता भारतीय रस्त्यांवर धावू लागल्याने वाहनप्रेमींमध्ये उत्साहाचे वातावरण आहे.
Tesla Y Model Car: टेस्लाच्या इलेक्ट्रिक कारची वैशिष्ट्ये
1. टेस्ला कंपनीची 3 RWD या मॉडेलची कार अवघ्या 5.6 सेकंदात शून्य ते 100 इतका वेग गाठू शकते.
2. Tesla 3 LR RWD ही कार एकदा चार्ज केल्यानंतर 622 किलोमीटर अंतरापर्यंत प्रवास करु शकते.
3. टेस्लाची स्टँटर्ड RWD व्हर्जनची कार एकदा चार्ज केल्यानंतर 500 किलोमीटर अंतरापर्यंत प्रवास करु शकते.
4. नवीन Model Y मध्ये बाह्य व आतील रचनेत बदल करण्यात आले असून, आता मागील सीटसाठी स्वतंत्र टचस्क्रीन आणि इलेक्ट्रिक अॅडजस्टेबल फंक्शनदेखील देण्यात आले आहेत.
5. Model Y ही टेस्लाची सर्वाधिक विक्री होणारी कार आहे आणि जगभरातही ती सर्वोच्च विक्री होणाऱ्या कार्सपैकी एक आहे.
6. Model Y ची स्पर्धा BMW X1 LWB, Volvo C40, BYD Sealion 7, आणि Mercedes-Benz EQA यांच्याशी होणार आहे. भारतात ही कार पूर्णपणे आयात (CBU) करून आणली जात असल्यामुळे किंमतीत वाढ झालेली आहे.
देशातील टेस्लाची पहिली कार मीच खरेदी करणार, मंत्री प्रताप सरनाईकांचा निर्धार
VIDEO | Mumbai: First Tesla Model Y delivered from the BKC ‘Tesla Experience Center’ to Maharashtra Transport Minister Pratap Sarnaik. He says, “I consider myself fortunate to have bought the first Tesla car in India today. Through this, I want to spread awareness and encourage… pic.twitter.com/Xc5FA5XxIP
— Press Trust of India (@PTI_News) September 5, 2025
Tesla Y Model LR RWD Car: टेस्ला कारच्या कोणत्या रंगासाठी किती जास्तीचे पैसे मोजावे लागणार?
टेस्लाच्या Model Y च्या RWD व्हर्जनची किंमत ₹61.07 लाख असून, LR RWD व्हर्जनसाठी ही किंमत ₹69.15 लाख इतकी आहे. यानंतर आपल्या आवडीचा रंग हवा असल्यास त्यासाठी अतिरिक्त पैसे मोजावे लागतील.
स्टेल्थ ग्रे-
पर्ल व्हाइट मल्टी-कोट (₹95,000 अतिरिक्त)
डायमंड ब्लॅक (₹95,000 अतिरिक्त)
ग्लेशियर ब्लू (₹1,25,000 अतिरिक्त)
क्विक सिल्व्हर (₹1,85,000 अतिरिक्त)
अल्ट्रा रेड (₹1,85,000 अतिरिक्त)
