EPFO Rules : जून महिना सुरु झाला असून या महिन्यात देशात चार मोठे बदल पाहायला मिळणार आहे. ज्याचा थेट परिणाम सर्वसामान्य नागरिकांवर होणार आहे. यापैकी एक बदल तर ईपीएफओशी (EPFO) संबंधित आहे. तर काही नियम बँकेशी (Bank) संबंधित आहे.
एचडीएफसी बँकेचे नवीन नियम
देशातील सर्वात मोठी खाजगी बँकेपैकी एक असणारी एचडीएफसी बँक (HDFC Bank) आपल्या नियमांमध्ये 10 जूनपासून काही बदल करणार आहे. माहितीनुसार, एचडीएफसी बँक टाटा न्यू इन्फिनिटी कार्डधारकांसाठी लाउंज अ‍ॅक्सेस पात्रता बदलत आहे. घरगुती लाउंज अ‍ॅक्सेस व्हाउचर मिळविण्यासाठी वापरकर्त्यांना दर तिमाहीत 50,000 रुपये खर्च करावे लागतील, जे एसएमएस किंवा ईमेलद्वारे वितरित केले जातील आणि अटी आणि शर्तींसह येतील. लाउंज अ‍ॅक्सेस वर्षातून आठ देशांतर्गत ट्रिपपर्यंत मर्यादित असेल. RuPay कार्डधारकांना आता प्रायोरिटी पासद्वारे प्रत्येक आंतरराष्ट्रीय ट्रिपसाठी $3.25 आकारले जातील.
EPFO 3.0 प्लॅटफॉर्म
कर्मचारी भविष्य निर्वाह निधी संघटना जून 2025 पर्यंत त्यांची अपग्रेड केलेली डिजिटल सिस्टीम – EPFO 3.0 लाँच करण्याची तयारी करत आहे. या बदलामुळे, 9 कोटींहून अधिक ग्राहकांना ऑटो-क्लेम सेटलमेंट, OTP द्वारे वैयक्तिक माहिती दुरुस्त करणे आणि तक्रारींचे जलद निवारण यासारख्या फीचर्सचा लाभ मिळणार आहे. क्लेम मंजूर झाल्यानंतर सिस्टीम एटीएमद्वारे पैसे काढण्याची सुविधा देखील देणार आहे.
अ‍ॅक्सिस बँकेचे नियम बदलणार
खाजगी बँक अ‍ॅक्सिस बँक (Axis Bank) देखील आपल्या काही नियमांमध्ये 20 जूनपासून बदल करणार आहे. ज्याचा परिणाम ग्राहकांवर होणार आहे. अ‍ॅक्सिस बँक 20 जूनपासून त्यांच्या रिवॉर्ड्स क्रेडिट कार्डसाठी नवीन नियम लागू करणार आहे. बँकेकडून देण्यात आलेल्या माहितीनुसार, पूर्वी, रिवॉर्ड्स सिस्टम मर्चंट कोडशी जोडलेली असताना, आता ती व्यापक क्लासिफिकेशनवर आधारित असेल. रिवॉर्ड पॉइंट्स आता रेंट, विमा, टेलिकॉम, सरकारी सेवा आणि ई-वॉलेट व्यवहारांवर उपलब्ध राहणार नाहीत आणि त्यांना वार्षिक शुल्क माफी किंवा बोनस रिवॉर्ड्सच्या निकषांमधून वगळण्यात येईल.
कधी ऊन, कधी पाऊस… बदलत्या हवामानात मुलांची काळजी घेण्यासाठी महत्वाच्या टिप्स
अ‍ॅडव्हान्स टॅक्सशी संबंधित नवीन नियम
अ‍ॅडव्हान्स टॅक्स भरणाऱ्या करदात्यांना 15 जून 2025 पर्यंत पहिला हप्ता भरावा लागणार आहे. आयकर कायद्यानुसार, एका व्यवसाय वर्षात 10,000 किंवा त्याहून अधिक कर देयता असलेल्या व्यक्तींना चार हप्त्यांमध्ये अ‍ॅडव्हान्स टॅक्स भरावा लागेल. पहिला हप्ता एकूण अंदाजे कराच्या 15 टक्के आहे आणि 15 तारखेपर्यंत तो भरावा लागेल.
