BJP leader Bhajanlal Sharma to be the new Chief Minister of Rajasthan. pic.twitter.com/72cYEd8u94
— ANI (@ANI) December 12, 2023
कोण आहेत भजनलाल शर्मा
भजनलाल शर्मा हे भरतपूर येथील रहिवासी असून, ते अनेक दिवसांपासून संघटनेत प्रदेश सरचिटणीस म्हणून कार्यरत आहेत. भाजपने त्यांना प्रथमच जयपूरच्या सांगानेरसारख्या सुरक्षित जागेवरून निवडणूक लढवायला लावली होती. यात त्यांनी विजय मिळवला आणि आता त्यांना थेट मुख्यमंत्रीपदाची जबाबदारी देण्यात आली आहे. विशेष म्हणजे सांगनेर येथील विद्यमान आमदार अशोक लाहोटी यांचे तिकीट कापत भजनलाल शर्मा यांना उमेदवारी देण्यात आली होती. त्यांनी या निवडणुकीत काँग्रेसचे उमेदवार पुष्पेंद्र भारद्वाज यांचा 48081 मतांनी पराभव करत मोठा विजय मिळवला.
Uddhav Thackeray : भुजबळांकडे पेढे तर, पटेलांकडे…; अधिवेशनानंतर ठाकरेंचा प्लॅन ठरला
सांगनेर हा भाजपचा बालेकिल्ला मानला जातो. पहिल्याच प्रयत्नात शर्मा यांनी विजय मिळवल्याने आणि संघटनेतील त्यांची महत्त्वाची भूमिका पाहता त्यांच्यावर मुख्यमंत्रिपदाची मोठी जबाबदारी देण्यात आली असल्याचे सांगितले जात आहे. राजस्थानच्या मुख्यमंत्रीपदी विराजमान झालेल्या भजनलाल शर्मा यांनी एप्रिलमध्येच राजस्थानात भाजपच्या विजयाची घोषणा केली होती. भजनलाल शर्मा हे राजस्थान विद्यापीठातून पदव्युत्तर पदवीधर असून, 1993 मध्ये त्यांनी राजकारणात एम.ए.ची पदवी घेतली आहे.
बाहेरचे असल्याचा काँग्रेसकडून आरोप
राजस्थान विधानसभा निवडणुकीच्या प्रचारादरम्यान काँग्रेसने भरतपूरचे रहिवासी असलेल्या भजनलाल शर्मांवर ते बाहेरचे असल्याचा आरोप केला होता. बाहेरच्या उमेदवाराला मतदान न करता त्यांना पराभूत करण्याचे आवाहन काँग्रेसने सांगानेरच्या जनतेकडे केली होती. मात्र, काँग्रेसच्या या आवाहनाला न मानता या जागेवरून भजनलाल शर्मा यांनी मोठा विजय नोंदवला.
