पहिल्यांदाच आमदार अन् राजस्थानचे मुख्यमंत्री झालेले भजनलाल शर्मा आहेत तरी कोण?
- Written By: Amol Bhingardive Published:
CM Bhajanlal Sharma : राजस्थान विधानसभेच्या एकहाती विजयानंतर मुख्यमंत्री पदाचा पेच निर्माण झाला होता. अखेर हा पेज सुटला असून भाजपने पुन्हा सरप्राइज देत मुख्यमंत्रीपदी भजनलाल शर्मा (CM Bhajanlal Sharma) यांच्या नावची घोषणा केली आहे. शर्मा यांच्या नावासोबतच उपमुख्यमंत्र्यांच्या नावांचीही घोषणा करण्यात आली असून, दिया कुमारी आणि प्रेमचंद्र बैरवा यांना उपमुख्यमंत्री करण्यात येणार आहे. तर, वासुदेव देवनानी विधानसभेचे अध्यक्ष असणार आहेत. भाजपने मध्य प्रदेश, छत्तीसगड नंतर आता भाजपने राजस्थानातही सरप्राइज दिले असून पहिल्यांदाच आमदार म्हणून निवडून आले आणि मुख्यमंत्री झालेले भजनलाल शर्मा नेमके कोण आहेत. त्यांच्याविषयी थोडक्यात जाणून घेऊयात…
मोठी बातमी : मोदी शाहंच्या मनाचा अंदाज लागेना; पहिल्यांदा आमदार झालेले भजनलाल शर्मा थेट CM
कोण आहेत भजनलाल शर्मा?
भजनलाल शर्मा हे सांगानेरचे आमदार आणि भाजपचे सरचिटणीस आहेत. विधिमंडळ पक्षाच्या बैठकीत भजनलाल शर्मा यांची विधिमंडळ पक्षनेतेपदी निवड करण्यात आली. भाजपच्या तिकिटावर विजयी झालेल्या आमदारांनी त्यांना आपला नेता मानले. निरीक्षकांच्या उपस्थितीत त्यांची एकमताने निवड करण्यात आली. विधीमंडळ पक्षाच्या बैठकीपूर्वी वरिष्ठ नेत्यांनी निरीक्षकांची भेट घेतली होती.
Musafira Movie: मैत्रीची तरल भावना व्यक्त करणार ‘मुसाफिरा’ टायटल सॉन्ग रिलीज, एकदा पाहाच
भजनलाल शर्मा यांचे जयपूरमधील जवाहर सर्कल येथे निवासस्थान आहे. तो मूळचा भरतपूरचा आहे. ते दीर्घकाळापासून संस्थेत कार्यरत आहेत. प्रदेश सरचिटणीस म्हणून ते कार्यरत आहेत. जयपूरच्या सांगानेरसारख्या सुरक्षित जागेवरून भाजपने त्यांना पहिल्यांदाच उमेदवारी दिली होती. आधीच्या आमदाराचे तिकीट रद्द करून भजनलाल शर्मा यांना उमेदवारी दिली.
Maharashtra Assembly Session: तुम्ही भिकारचोट योजना आणतायत; बच्चू कडू सरकारवर तुटून पडले
सांगानेर ही जागा भाजपचा बालेकिल्ला मानली जाते. भजनलाल शर्मा यांनी काँग्रेसच्या पुष्पेंद्र भारद्वाज यांचा ४८०८१ मतांनी पराभव केला. राजस्थानच्या नव्या मुख्यमंत्र्यांच्या नावावर बरीच चर्चा सुरू होती. मध्य प्रदेशातील मोहन यादव यांच्याप्रमाणे भाजप मुख्यमंत्री म्हणून नव्या नावाची घोषणा करू शकते, असे बोलले जात होते.
छत्तीसगड आणि मध्यप्रदेश प्रमाणेच भाजपने राजस्थानमध्येही मुख्यमंत्री चेहरा नसताना निवडणूक लढवली होती. या निवडणुकांमध्ये भाजपने पीएम मोदींच्या तोंडावर विजय मिळवला. राजस्थानमधील 200 पैकी 199 जागांवर झालेल्या मतदानात भाजपने शानदार विजय मिळवला आहे. पक्षाला 115 जागा मिळाल्या आहेत. त्याचवेळी काँग्रेसने 69 जागा जिंकल्या आहेत.
