Fuel Price Hike : देशात पुन्हा एकदा पेट्रोल आणि डिझेलच्या किंमतीमध्ये वाढ होण्याची शक्यता आहे. देशात गेल्या 10 दिवसात तीन वेळा पेट्रोल आणि डिझेलच्या किंमतीमध्ये वाढ झाल्याने नागरिकांवर आर्थिक बोजा वाढत आहे. यातच आता येत्या काही दिवसांत पेट्रोल आणि डिझेलच्या किमती पुन्हा एकदा वाढण्याची शक्यता भारत पेट्रोलियम कॉर्पोरेशन लिमिटेडचे (BPCL) संचालक राजकुमार दुबे यांनी वर्तवली आहे.
राजकुमार दुबे म्हणाले की, जर सध्याचे जागतिक ऊर्जा संकट असेच कायम राहिले, तर किरकोळ इंधन दरात होणारी पुढील वाढ टाळणे कठीण होऊ शकते. सध्याची परिस्थिती पाहता आणि जर या स्थितीने असेच सातत्य राखले तर मला वाटते की आणखी एक दरवाढ अटळ आहे. जर ही परिस्थिती दीर्घकाळापर्यंत अशीच सुरू राहिली, तर इंधन दरवाढ निश्चित आहे.
स्ट्रेट ऑफ होर्मुझ’ (Strait of Hormuz) येथे 20 लाख बॅरल्सपेक्षा जास्त तेलाचा पुरवठा विस्कळीत झाला असल्याचे नमूद करत त्यांनी सांगितले की, ही तूट भरून काढणे केवळ पुरवठ्याच्या स्रोतांचे विविधीकरण करूनच शक्य आहे मग तो रशियाकडून मिळणारा तेलपुरवठा असो, आफ्रिकेतून होणारी आयात असो किंवा इतर प्रदेशांतून होणारा पुरवठा असो.
पूर्वी आमच्याकडे केवळ 20 पुरवठा केंद्रे (Supply Points) होती. आता आम्ही ती संख्या वाढवून 40 वर नेली आहे. या आकड्यात रशियाचाही समावेश आहे. अपेक्षांच्या अगदी उलट, संघर्ष सुरू झाल्यापासून भारतात इंधनाचा वापर प्रत्यक्षात वाढला आहे तरीही, देशाने कोणत्याही तुटवड्याचा सामना न करता ही वाढती मागणी पूर्ण करण्यात यश मिळवले आहे.
ऑपरेशन टायगर की जागावाटप? एकनाथ शिंदे अचानक दिल्ली दौऱ्यावर; अमित शाहांची घेणार भेट
23 मे रोजी पेट्रोल डिझेल दरात वाढ
23 मे रोजी देशात पेट्रोल 87 पैसे प्रति लिटर तर डिझेल 91 पैसे प्रतिलिटर महाग झालं आहे. यापूर्वी 19 मे रोजी आणि 15 मे रोजी देखील पेट्रोल आणि डिझेलच्या किंमतीमध्ये देशात वाढ करण्यात आली होती.