Census 2027 : केंद्र सरकारची मोठी घोषणा; 2027 मध्ये दोन टप्प्यात होणार जनगणना

Census 2027 : संसदेत बोलताना केंद्र सरकारकडून मोठी घोषणा करण्यात आली आहे. 2027 मध्ये देशात जनगणना होणार असून ही जनगणना दोन टप्प्यात करण्यात येणार असल्याची माहिती लोकसभेत केंद्र सरकारने दिली आहे. केंद्र सरकारने दिलेल्या माहितीनुसार, एप्रिल ते सप्टेंबर 2026 मध्ये देशभरात घरोघरी जाऊन घरांची यादी आणि घरांचे सर्वेक्षण करण्यात येणार आहे तर फेब्रुवारी 2027 मध्ये प्रत्येक व्यक्तीची गणना करण्यात येणार असल्यची माहिती केंद्र सरकारने लोकसभेत दिली आहे.

लोकसभा विरोधी पक्ष नेते राहुल गांधी (Rahul Gandhi) यांच्या प्रश्नावर उत्तर देताना गृहराज्यमंत्री नित्यानंद राय (Nityanand Rai) यांनी लोकसभेत ही माहिती दिली. कोविडमुळे पुढे ढकलण्यात आलेली 2021 ची जनगणना आता 2026-27 मध्ये (Census 2027) होणार आहे. सरकारने 2027 मध्ये जनगणना करण्याचा निर्णय घेतला आहे. जनगणना करण्याचे सरकारचे उद्दिष्ट 16 जून 2025 रोजीच्या राजपत्रात अधिसूचित करण्यात आले असल्याची माहिती लोकसभेत गृहराज्यमंत्री नित्यानंद राय यांनी दिली.

जनगणना 2027 दोन टप्प्यात होणार

पहिला टप्पा

राज्य/केंद्रशासित प्रदेश सरकारांच्या सोयीनुसार एप्रिल ते सप्टेंबर 2026 या कालावधीत घरांची यादी आणि गृहनिर्माण गणना

दुसरा टप्पा 

लोकसंख्या गणना फेब्रुवारी 2027 पासून मार्च 2027 पर्यंत

लोकसंख्या गणना फेब्रुवारी 2027 मध्ये 1 मार्च 2027 पासून केली जाईल, केंद्रशासित प्रदेश लडाख आणि केंद्रशासित प्रदेश जम्मू आणि काश्मीर आणि हिमाचल प्रदेश आणि उत्तराखंड या राज्यांमधील बर्फाच्छादित नॉन-सिंक्रोनस क्षेत्र वगळता, जिथे ती सप्टेंबर 2026 मध्ये केली जाईल, ज्याची तारीख 1 ऑक्टोबर 2026 आहे. या जनगणनेचे एक महत्त्वाचे वैशिष्ट्य म्हणजे 70 वर्षांहून अधिक काळानंतर पहिल्यांदाच जातींची गणना समाविष्ट केली जाईल.

मोठी बातमी! जेष्ठ समाजवादी विचारवंत पन्नालाल सुराणा यांचे निधन-

भारताची पहिली डिजिटल जनगणना

2027 च्या जनगणनेत, राजकीय व्यवहारांवरील मंत्रिमंडळ समितीच्या 30 एप्रिल 2025 च्या निर्णयानुसार जात गणना केली जाईल. ही भारतातील पहिली डिजिटल जनगणना असेल, ज्यामध्ये मोबाइल अ‍ॅपद्वारे डेटा संकलन केले जाईल, जरी कनेक्टिव्हिटी समस्या असलेल्यांसाठी कागदी वेळापत्रक देखील उपलब्ध असेल अशी माहिती देखील गृहराज्यमंत्री नित्यानंद राय यांनी दिली.