नवी दिल्ली : संयुक्त राष्ट्र सुरक्षा परिषद (UNSC) मध्ये ‘महिला, शांतता आणि सुरक्षा’ या विषयावर आयोजित चर्चेत पाकिस्तानने काश्मीरचा मुद्दा उपस्थित केला. यावर भारताने त्यांना जागतिक समुदायासमोर खडसावले. (India Vs Pakistan On Kashmir) पाकिस्तानचे परराष्ट्र मंत्री बिलावल भुट्टो झरदारी (Bilawal Bhutto Zardari) यांनी काश्मीरचा मुद्दा उपस्थित केला तेव्हा संयुक्त राष्ट्रातील भारताच्या स्थायी प्रतिनिधी रुचिरा कंबोज यांनी ‘अशा दुर्भावनापूर्ण प्रचाराला’ प्रत्युत्तर देणेही योग्य नाही, असे सांगितले.
https://www.youtube.com/watch?v=vev7UU9ANZA
UN मध्ये काश्मीर राग गायला
पाकिस्तानचे परराष्ट्र मंत्री बिलावल भुट्टो यांनी काश्मीर मुद्द्यावर केलेल्या टीकेला उत्तर देताना रुचिरा कंबोज यांनी मंगळवारी त्यांचे वक्तव्य निराधार आणि राजकीय हेतूने असल्याचे म्हटले आहे. रुचिरा म्हणाल्या, “माझे भाषण संपवण्यापूर्वी मी जम्मू-काश्मीर केंद्रशासित प्रदेशाबाबत पाकिस्तानच्या प्रतिनिधीने केलेली फालतू, निराधार आणि राजकीय हेतूने प्रेरित टिप्पणी नाकारते.
लालूप्रसाद यादव यांच्यावर सीबीआयचा छापा, तेजस्वी यादव यांना आठवले अजित पवार, म्हणाले..
महिला, शांतता आणि सुरक्षा’ या विषयावर चर्चा
युनायटेड नेशन्स सिक्युरिटी कौन्सिलमध्ये ‘महिला, शांतता आणि सुरक्षा’ या विषयावरील चर्चेदरम्यान रुचिरा कंबोज म्हणाल्या, “माझ्या शिष्टमंडळाचे असे मत आहे की अशा दुर्भावनापूर्ण आणि खोट्या प्रचाराला उत्तर देणे योग्य नाही. उलट आपला फोकस हा सकारात्मक आणि पुढचा विचार असावा. आजची चर्चा महिला, शांतता आणि सुरक्षा या अजेंडा पूर्णत: अंमलात आणण्यासाठी आमच्या सामूहिक प्रयत्नांना बळकट करण्यासाठी महत्त्वाची आहे.
‘महिला, शांतता आणि सुरक्षा’ हा विषय आवश्यक असल्याचे सांगून भारताच्या स्थायी प्रतिनिधीने सांगितले की, आम्ही यावरील चर्चेच्या विषयाचा आदर करतो आणि वेळेचे महत्त्व ओळखतो. आपले लक्ष या विषयावर केंद्रित केले पाहिजे.
Plane Crash : इटलीत हवाई दलाची दोन विमानं कोसळली, पायलटचा मृत्यू, पाहा व्हिडिओ
पाकिस्तानचा पुन्हा त्रास
या महिन्यात मोझांबिकच्या राष्ट्राध्यक्षांच्या नेतृत्वाखाली UNSC मध्ये ‘आंतरराष्ट्रीय महिला दिना’च्या चर्चेदरम्यान पाकिस्तानचे परराष्ट्र मंत्री बिलावल भुट्टो झरदारी यांनी जम्मू-काश्मीरचा उल्लेख केल्यानंतर रुचिरा कंबोज यांची ही तीक्ष्ण प्रतिक्रिया आली आहे. त्याचप्रमाणे काश्मीरचा मुद्दा ज्या बैठकीमध्ये पाकिस्तानच्या बाजूने इतर कोणत्याही विषयावर चर्चा केली जाते, तेव्हा त्याचीही लाज वाटते. अलीकडेच पाकिस्तानच्या मंत्री हिना रब्बानी खार यांनीही असेच केले होते, तेव्हा भारतीय प्रतिनिधीने त्यांना चोख प्रत्युत्तर दिले.
