गुवाहाटीहून आसाममधील दिब्रुगढला जाणारे इंडिगो एअरलाइन्सचे विमान रविवारी सकाळी टेक ऑफच्या काही मिनिटांतच गोपीनाथ बोरदोलोई आंतरराष्ट्रीय विमानतळावर परतले. एक केंद्रीय मंत्री आणि राज्यातील भाजपचे दोन आमदार विमानात होते.
तांत्रिक बिघाड झाला
फ्लाइट क्रमांक 6E2652 ने गुवाहाटीहून सकाळी 8.40 वाजता उड्डाण केले आणि सुमारे 20 मिनिटांत विमानतळावर परतले. तांत्रिक बिघाड हे विमान परत येण्याचे कारण असल्याचे सांगितले जात आहे. प्रवाशांमध्ये केंद्रीय पेट्रोलियम आणि नैसर्गिक वायू राज्यमंत्री रामेश्वर तेली आणि आसाममधील सत्ताधारी भारतीय जनता पक्षाचे (भाजप) दोन आमदार प्रशांत फुकन आणि तेरोश गोवाला यांचा समावेश होता.
Opposition Meeting : नितीश कुमारांचा प्लॅन, ममतांचीही साथ पण, काँग्रेसने खेळच पलटविला!
विमान तपासणीसाठी पाठवले
गुवाहाटी येथे उतरल्यानंतर लगेचच विमानातील सर्व प्रवाशांना डी-बोर्ड करण्यात आले आणि विमान तपासणीसाठी पाठवण्यात आले. विमानतळाच्या अधिकार्‍यांनी पुष्टी केली की विमान मागे वळले आणि गुवाहाटी येथे उतरले, परंतु कारणे दिली नाहीत. याप्रकरणी इंडिगोच्या अधिकाऱ्यांकडून कोणतीही प्रतिक्रिया आलेली नाही.
