संसदेचे पावसाळी अधिवेशन आजपासून सुरू; वाद, आरोप-प्रत्यारोपांचा पाऊस; पहलगाम हल्ल्यापासून ‘या’ मुद्द्यांवर गोंधळ होणार

Parliament Monsoon Session 2025 Starting From Monday : संसदेचे पावसाळी अधिवेशन (Parliament Monsoon Session) आजपासून म्हणजेच 21 जुलैपासून सुरू होत आहे. हे अधिवेशन (Operation Sindoor) महिनाभर म्हणजेच 21 ऑगस्टपर्यंत चालेल. या काळात हे अधिवेशन खूप गोंधळाचे ठरण्याची शक्यता आहे. सरकारला कोंडीत पकडण्यासाठी विरोधकांनी तयारी केली आहे. इंडिया आघाडीच्या (Donald Trump) बड्या नेत्यांनीही बैठका घेऊन अनेक मुद्द्यांवर आपली रणनीती तयार केली आहे. रविवारी झालेल्या सर्वपक्षीय बैठकीत सरकारने सांगितले की, संसदेच्या पावसाळी अधिवेशनात विरोधकांनी उपस्थित केलेल्या सर्व मुद्द्यांवर चर्चा करण्यास आणि योग्य उत्तर देण्यास तयार आहे.

बिहार मतदार यादी विशेष गहन सुधारणा (SIR), पहलगाम दहशतवादी हल्ला, ऑपरेशन सिंदूर आणि अहमदाबाद विमान अपघात यासारख्या महत्त्वाच्या मुद्द्यांवर विरोधी पक्ष मोदी सरकारला घेरण्याचा प्रयत्न करतील.

छावा पदाधिकाऱ्याला अजित पवार गटाच्या सुरज चव्हाणकडून मारहाण; तटकरेंची प्रतिक्रिया काय?

पावसाळी अधिवेशनाचा पहिला दिवस

– संसदेच्या अधिवेशनाच्या पहिल्या दिवशी सकाळी सव्वा दहा वाजता पंतप्रधान नेहमीचे निवेदन देतील.
– आयकर विधेयकावर स्थापन केलेली निवड समिती लोकसभेत आपला अहवाल सादर करेल. केंद्र सरकार या अधिवेशनात हे विधेयक संसदेत मंजूर करून घेईल.
– सभापतींच्या दालनात कामकाज सल्लागार समितीची बैठक होईल. ज्यामध्ये संपूर्ण आठवड्यातील लोकसभेच्या कामकाजावर चर्चा केली जाईल.
– न्यायमूर्ती वर्मा यांच्याविरुद्ध महाभियोग प्रक्रिया सुरू करण्याबाबत निर्णय घेतला जाऊ शकतो.
– गेल्या 3 महिन्यांत निधन झालेल्या 7 खासदार आणि माजी खासदारांना श्रद्धांजली वाहण्यात येईल.
– पहलगाम, ऑपरेशन सिंदूर, डोनाल्ड ट्रम्प यांचे विधान, बिहारमधील एसआयआर यासारख्या मुद्द्यांवर विरोधक गोंधळ घालू शकतात.

Video : इस्कॉन रेस्टॉरंटमध्ये तरुणाने खाल्लं चिकन; व्हिडिओ व्हायरल, लोकांच्या संतप्त प्रतिक्रिया

विरोधकांच्या सर्व मुद्द्यांवर चर्चा करणार

रविवारी झालेल्या सर्वपक्षीय बैठकीत सरकारने सांगितले की, संसदेच्या पावसाळी अधिवेशनात विरोधकांनी उपस्थित केलेल्या सर्व मुद्द्यांवर चर्चा करण्यास ते तयार आहेत. ऑपरेशन सिंदूरबाबत अमेरिकेचे अध्यक्ष डोनाल्ड ट्रम्प यांच्या दाव्यांना उत्तर देण्याच्या मागणीलाही ते योग्य उत्तर देईल. संसदेच्या पावसाळी अधिवेशनापूर्वी सरकारने बोलावलेल्या सर्वपक्षीय बैठकीत, बिहारमधील मतदार यादी सुधारणा, पहलगाम दहशतवादी हल्ला आणि अमेरिकेचे अध्यक्ष डोनाल्ड ट्रम्प यांचे युद्धबंदीचे दावे यासह विविध मुद्दे विरोधकांनी उपस्थित केले. सभागृहाचे कामकाज सुरळीत चालावे यासाठी सरकारने विरोधी पक्षांकडून सहकार्य मागितले.

सरकार पूर्णपणे तयार

संसदीय कामकाज मंत्री किरेन रिजिजू यांनी बैठकीनंतर सांगितले की, संसदेचे कामकाज सुरळीत चालविण्यासाठी सरकार आणि विरोधी पक्षांमध्ये समन्वय असला पाहिजे. ऑपरेशन सिंदूरवरील ट्रम्प यांच्या दाव्यांबद्दल विरोधकांनी उपस्थित केलेल्या मुद्द्यावर सरकार संसदेत योग्य उत्तर देईल, असे ते म्हणाले. नियम आणि परंपरांनुसार संसदेत सर्व मुद्द्यांवर चर्चा करण्यास सरकार तयार आहे, यावर रिजिजू यांनी भर दिला. ऑपरेशन सिंदूरसारख्या महत्त्वाच्या मुद्द्यांवर चर्चा करण्यासही सरकार पूर्णपणे तयार असल्याचे त्यांनी सांगितले.

संसदेच्या पावसाळी अधिवेशनाच्या सुरुवातीपूर्वी शनिवारी विरोधी पक्षांच्या 24 पक्षांच्या प्रमुख नेत्यांनी निर्णय घेतला होता. ते पहलगाम दहशतवादी हल्ला, ऑपरेशन सिंदूर अचानक थांबवणे, भारत-पाकिस्तान लष्करी संघर्षात मध्यस्थी करण्याचा अमेरिकेचे अध्यक्ष डोनाल्ड ट्रम्प यांचा दावा, बिहारमध्ये सुरू असलेल्या विशेष गहन पुनरावलोकन (SIR) आणि इतर अनेक मुद्दे प्रमुखपणे उपस्थित करतील.