Retail Inflation : देशात पुन्हा एकदा किरकळ महागाई दरात वाढ नोंदवण्यात आली आहे. अधिकृत आकडेवारीनुसार, सप्टेंबरमध्ये किरकोळ महागाईत दरात वाढ झाली आहे. आकडेवारीनुसार, सप्टेंबरमध्ये किरकोळ महागाईचा दर ऑगस्टच्या 4.83 टक्केवरुन 5.54 टक्के झाला आहे. सप्टेंबर महिन्यात किरकोळ महागाई दरात वाढ झाल्याने अनेकांच्या बजेटमध्ये वाढ होण्याची शक्यता आहे. ग्राहक किंमत निर्देशांकावर (CPI) आधारित महागाईचा दर आरबीआयच्या (RBI) 4 टक्केच्या मध्यम-मुदतीच्या उद्दिष्टापेक्षा जास्त राहण्याचा हा सलग चौथा महिना आहे.
सांख्यिकी आणि कार्यक्रम अंमलबजावणी मंत्रालयाने (MoSPI) सोमवारी (12 ऑक्टोबर) जाहीर केलेल्या आकडेवारीनुसार, अन्नधान्य महागाईचा दर मागील महिन्यातील 5.97% वरून वाढून सप्टेंबरमध्ये 7.74% वर पोहोचला. 2024 हे आधारभूत वर्ष असलेल्या नवीन मालिकेतील ग्राहक किंमत निर्देशांकावर (CPI) आधारित महागाईचे दर सातत्याने नवीन उच्चांक गाठत आहेत.
रॉयटर्सच्या वृत्तानुसार, लंडनस्थित ‘ऑक्सफर्ड इकॉनॉमिक्स’ च्या मुख्य अर्थतज्ज्ञ अलेक्झांड्रा हर्मन-प्रसाद म्हणाल्या, “आजची आकडेवारी व्याजदरात आणखी वाढ होण्याची शक्यता बळकट करते. महागाई (आणि वाढत्या महागाईचा धोका) वाढत असताना आपली भूमिका वेगाने बदलण्याची तयारी असल्याचे आरबीआयने गेल्या आठवड्यात स्पष्ट केले आहे. जरी एकूण मागणीचा दबाव कमी असला तरीही हे घडत आहे. मुख्य महागाई (हेडलाईन इन्फ्लेशन) स्पष्टपणे वाढत आहे आणि किमतींवरील दबाव वाढल्याचे पुरावे दिसत आहेत त्यामुळे, डिसेंबर आणि फेब्रुवारीमध्ये प्रत्येकी २५ बेसिस पॉइंट्सच्या आणखी दोन वाढीची आम्हाला अपेक्षा आहे.
🔴CPI at 5.54% in September, With Food Doing Most of the Work
Retail inflation rose to 5.54% from 4.83% in August, 16 bp below our 5.7% call and inside our 5.4 to 6.0% range.
Food inflation jumped to 7.74% from 5.97%, with onion up 108% year-on-year, though it came in softer than our 8.1% estimate.
The warning sign is restaurants and accommodation at 9.36%, the high single-digit level we flagged as the hawkish marker for second-round effects.
Rural inflation at 6.08% is running well above urban at 4.88%.
— Front Wave Research (@frontwave_) October 12, 2026
सिंगापूरच्या डीबीएस (DBS) बँकेच्या वरिष्ठ अर्थतज्ज्ञ राधिका राव यांच्या मते, “सरासरीपेक्षा कमी पाऊस, आयातीच्या किमतींचा दबाव आणि इंधन-संबंधित वस्तूंच्या वाढत्या खर्चामुळे अनेक क्षेत्रांमध्ये अन्नधान्य महागाईत मोठी वाढ झाली आहे. इंधनाच्या उच्च किमतींचा परिणाम बिगर-अन्नधान्य वस्तूंवरही होण्याची शक्यता आहे.
राहुल गांधींनी सर्व मर्यादांचं उल्लंघन केलं अन् …, CM फडणवीस काँग्रेसवर भडकले –
‘कोअर इन्फ्लेशन’ची (मूलभूत महागाई) आकडेवारी मध्यवर्ती बँकेच्या या मताशी सुसंगत आहे की, किमतींशी संबंधित धोके आता दुर्लक्षित करण्यासारखे राहिलेले नाहीत. मुख्य महागाईची आकडेवारी उच्च असल्याने, आरबीआय डिसेंबर 2026 साठी व्याजदरात आणखी वाढ करण्याचा पर्याय खुला ठेवेल अशी आम्हाला अपेक्षा आहे.