Strait of Hormuz : अमेरिका आणि इस्त्रायलने संयुक्तपणे कारवाई करत इराणवर हल्ला केल्याने इराणने आक्रमक भूमिका घेत होर्मुजची सामुद्रधुनी बंद केली आहे. इराणच्या या आक्रमक भूमिकेनंतर भारतासह जगातील अनेक देशात तेल पुरवठा विस्कळीत झाला आहे. इराणने या मार्गावरुन फक्त चीनला जाण्याची परवानगी दिली आहे. तर आता एक मोठी अपडेट समोर आली आहे. या अपडेटनुसार, इराने होर्मुजची सामुद्रधुनीतून भारताच्या जहाजांना जाण्याची परवानगी दिली आहे. गुरुवारी भारतीय परराष्ट्र मंत्री एस. जयशंकर (S. Jaishankar) आणि इराणी मंत्री अब्बास अराघची (Abbas Araghchi) यांच्यातील झालेल्या चर्चेनंतर इराणने भारतीय ध्वज असणाऱ्या जहाजांना होर्मुझच्या सामुद्रधुनीतून जाण्याची परवानगी दिली.
सध्या समोर आलेल्या माहितीनुसार, दोन भारतीय टँकर – एमटी पुष्पा तेल टँकर आणि एमटी परिमल तेल टँकर – होर्मुझच्या सामुद्रधुनीतून (Strait of Hormuz) सुरक्षितपणे प्रवास करत आहेत, तर अमेरिका, युरोप आणि इस्रायलच्या जहाजांवर अजूनही निर्बंध आहेत.
भारताचे पहिले जहाज मुंबईत पोहोचले
इराण, अमेरिका आणि इस्रायलमधील संघर्षानंतर भारताला होर्मुझच्या सामुद्रधुनीतून कच्च्या तेलाची पहिली शिपमेंट मिळाली आहे. एका वृत्तानुसार, सौदी अरेबियातून कच्चे तेल वाहून नेणारा शेनलाँग सुएझमॅक्स तेल टँकर मुंबई बंदरात पोहोचला आहे, युद्ध सुरू झाल्यापासून मोक्याच्या जलमार्गावरून सुरक्षितपणे जाणारा हा पहिला भारताकडे जाणारा जहाज ठरला आहे. हा टँकर लायबेरियात नोंदणीकृत आहे आणि त्याचा कॅप्टन भारतीय आहे. 1 मार्च रोजी रास तनुरा तेल टर्मिनलवर त्यांनी कच्चे तेल भरले आणि दोन दिवसांनी त्यांचा प्रवास सुरू झाला. सागरी ट्रॅकिंग फर्म लॉयड्स लिस्ट इंटेलिजेंस आणि टँकरट्रॅकर्स यांनी अहवाल दिला की जहाजाचा शेवटचा ज्ञात सिग्नल 8 मार्च रोजी होर्मुझच्या सामुद्रधुनीतून आला होता. यानंतर सुरक्षेतेसाठी जहाजाची सिग्नल सिस्टीम बंद करण्यात आली असल्याची माहिती समोर येत आहे.
कुणी कुणाची शाळा घेतली? सचिन, धोनी आणि गंभीरबद्दलचे ‘ते’ गुपित अखेर उघड
होर्मुझची सामुद्रधुनी जगातील सर्वात महत्वाच्या तेल मार्गांपैकी एक आहे. इराण आणि ओमानमधील अरुंद वाहिनीतून दररोज 20 दशलक्ष बॅरलपेक्षा जास्त कच्चे तेल जाते. हे जगातील एकूण तेल वापराच्या जवळजवळ पाचव्या भागाचे आणि समुद्रमार्गे वाहतूक केलेल्या सर्व तेलाच्या जवळजवळ एक चतुर्थांश भागाचे प्रतिनिधित्व करते. जागतिक द्रवीकृत नैसर्गिक वायू (एलएनजी) शिपमेंटचा मोठा भाग देखील या मार्गाने जातो. या मार्गावरील थोडासाही व्यत्यय जागतिक बाजारपेठा, पुरवठा साखळी आणि जगभरातील इंधनाच्या किमतींवर तात्काळ परिणाम करू शकतो.