बंगळूर : देशाची लोकसंख्या प्रचंड आहे. आणि ही देखील चिंतेची बाब आहे. पण याला कमी वीज पुरवठा हे देखील कारण असू शकते का? हे तर्क भाजप सरकारमधील केंद्रीय संसदीय कार्य मंत्री प्रल्हाद जोशी यांनी दिले आहेत. काँग्रेसने आपल्या काळात कमी वीज दिली, त्यामुळे देशाची लोकसंख्या वाढली, असा त्यांचा दावा आहे.
WIPL 2023: मुंबई इंडियन्सच्या गोलंदाजांचा धुमाकूळ, केली विजयाची हॅट्रिक
खरे तर 2023 हे वर्ष कर्नाटकसाठी निवडणुकीचे वर्ष आहे. येत्या मे महिन्यात येथे विधानसभा निवडणुका होण्याची शक्यता आहे. अशा स्थितीत पक्ष निवडणूक प्रचारात गुंतले आहेत. निवडणुकीतील आश्वासनेही जनतेला देत आहेत. कर्नाटक काँग्रेसनेही वर्षाच्या सुरुवातीला राज्यव्यापी बस यात्रा काढली होती. या भेटीदरम्यान कर्नाटक काँग्रेसने निवडणूक जिंकल्यास 200 युनिटपर्यंत मोफत वीज देऊ, असे आश्वासन दिले होते.
या आश्वासनाला उत्तर देताना जोशी यांनी हा नवा तर्क दिला. ते म्हणतात की काँग्रेसने आपल्या काळात वीज दिली नाही, त्यामुळे लोकसंख्या वाढली. असे प्रल्हाद जोशी कर्नाटकमध्ये म्हणाले.
कर्नाटकातील निवडणुकीच्या पार्श्वभूमीवर प्रल्हाद जोशी सातत्याने काँग्रेसवर हल्लाबोल करत आहेत. याआधी मंगळवार, 7 मार्च रोजी ते म्हणाले होते की, दीर्घकाळ सत्तेबाहेर राहिल्याने काँग्रेसचे मानसिक संतुलन बिघडले आहे.
