ANI Twitter Locked : देशात सर्वात मोठी वृत्तसंस्था एएनआयचे ट्विटर अकाउंट ब्लॉक करण्यात आले आहे. मायक्रो-ब्लॉगिंग वेबसाइटने शनिवारी दुपारी अचानक @ANI हँडल ब्लॉक केले आहे. यानंतर या अकाउंटवर गेल्यावर, हे अकाउंट अस्तित्वात नसल्याचे दाखवण्यात येत आहे. एएनआयच्या संपादक स्मिता प्रकाश यांनी ट्वीट करून या प्रकरणाची माहिती दिली आहे.
So those who follow @ANI bad news, @Twitter has locked out India’s largest news agency which has 7.6 million followers and sent this mail – under 13 years of age! Our gold tick was taken away, substituted with blue tick and now locked out. @elonmusk pic.twitter.com/sm8e765zr4
— Smita Prakash (@smitaprakash) April 29, 2023
प्रकाश यांनी एक स्क्रीनशॉट शेअर करत याची माहिती दिली आहे की, ट्विटरने अकाउंट तयार करणाऱ्याचे किमान वय १३ वर्षे असण्याचा नियम नमूद केला आहे. त्यांनी ट्विटरचे मालक इलॉन मस्क यांनाही टॅग केले आहे. पुढच्या ट्विटमध्ये स्मिता यांनी सांगितले आहे की, ‘आम्ही १३ वर्षांपेक्षा कमी वयाचे नाही!’