UPI Limit LPG Gas Fastag Annual Pass Credit Card : ऑगस्टपासून देशाच्या आर्थिक क्षेत्रात 4 मोठे बदल होणार (UPI Limit) आहेत. हे बदल तुमच्या दैनंदिन व्यवहारांवर, प्रवासावर आणि कार्ड फायद्यांवर थेट परिणाम करतील. या बदललेल्या नियमांमध्ये UPI व्यवहारांशी संबंधित नवीन नियम, खाजगी वाहनांसाठी नवीन फास्टॅग वार्षिक कार्ड आणि SBI क्रेडिट कार्डवरील (Credit Card) मोफत विमा (Fastag Annual Pass) कव्हर काढणे यांचा समावेश आहे. या महिन्यात (LPG Gas) हे बदल लागू केले जातील.
1.LPG च्या दरात घट
महिन्याच्या पहिल्याच दिवशी सर्वसामान्य अन् व्यावसायिकांना महागाईपासून दिलासा मिळाला आहे. आजपासून देशात कमर्शियल एलपीजी सिलिंडरच्या दरात कपात करण्यात आली आहे. 19 किलो वजनाच्या व्यवसायिक गॅसची किंमत आजपासून 33.50 रूपयांनी कमी करण्यात आली.
ब्रेकिंग : रमी खेळणाऱ्या कोकाटेंचा डाव फडणवीसांनी उधळलाच; दत्तात्रय भरणे राज्याचे नवे कृषिमंत्री
2. UPI मधील बदल
नॅशनल पेमेंट्स कॉर्पोरेशन ऑफ इंडिया (NPCI) ने UPI व्यवहारांची गुणवत्ता सुधारण्यासाठी काही नवीन नियम लागू केले आहेत. आता UPI शी संबंधित बँका आणि अॅप्सना बॅलन्स चेक सारख्या विनंत्यांची संख्या मर्यादित करावी लागेल. तसेच, ऑटोपे मॅन्डेट आणि अॅड्रेस व्हेरिफिकेशन सारख्या काही API चा वापर देखील नियंत्रित केला जाईल.
3. एसबीआय क्रेडिट कार्डमध्ये बदल
11 ऑगस्ट 2025 पासून, एसबीआय कार्ड अनेक को-ब्रँडेड क्रेडिट कार्डवर दिली जाणारी मोफत हवाई अपघात विमा सुविधा बंद करणार आहे. याचा परिणाम एलीट आणि प्राइम सारख्या प्रीमियम कार्ड आणि काही प्लॅटिनम कार्ड धारकांवर होईल. आता या कार्डांना 1 कोटी किंवा 50 लाख रुपयांपर्यंतचा अपघात विमा सुविधा मिळणार नाही, जो पूर्वी अतिरिक्त लाभ म्हणून उपलब्ध होता.
Donald Trump : रशियाकडून तेल खरेदी बंद, ट्रम्प यांच्या इशाऱ्यानंतर भारताची माघार?
4. पंजाब नॅशनल बँक (पीएनबी) केवायसी अपडेट
पीएनबीने त्यांच्या ग्राहकांना 8 ऑगस्ट 2025 पूर्वी त्यांच्या बँक खात्यांची केवायसी माहिती अपडेट करण्यास सांगितले आहे, जेणेकरून खाती सामान्यपणे कार्यरत राहतील. हे आरबीआयच्या मार्गदर्शक तत्त्वांनुसार केले जात आहे. ज्या ग्राहकांची केवायसी माहिती 30 जून 2025 पर्यंत अपडेट केलेली नाही, त्यांच्यासाठी हे केवायसी अपडेट आवश्यक आहे.
5. फास्टॅग वार्षिक पास
नवीन FASTag वार्षिक पास 15 ऑगस्ट 2025 पासून खाजगी वाहन मालकांसाठी उपलब्ध असेल. हा पास 3,000 रुपयांना उपलब्ध असेल आणि एक वर्ष किंवा 200 टोल व्यवहारांसाठी (जे आधी पूर्ण होईल) वैध असेल. वारंवार महामार्गावर येणाऱ्या प्रवाशांना किफायतशीर आणि सोयीस्कर पर्याय देण्यासाठी ही योजना आणण्यात आली आहे. हा वार्षिक पास घेणे अनिवार्य नाही, ज्यांना इच्छा आहे ते सध्याच्या पद्धतीने FASTag वापरू शकतात.
