Congress MP Sexual Harassment Allegations: काँग्रेसचे मणिपूरमधील खासदार अंगोमचा बिमोल अकोइजम यांच्यावर जवाहरलाल नेहरू विद्यापीठातील (JNU) 11 विद्यार्थिनींनी लैंगिक छळाचे आरोप केले आहेत. या प्रकरणावरून भाजप आक्रमक झाला असून, भाजप महिला मोर्चाने दिल्लीतील काँग्रेस मुख्यालयाबाहेर सोमवारी (12 ऑक्टोबर) निदर्शने केली. आता भाजपच्या महिला खासदारांचे शिष्टमंडळ राष्ट्रपती द्रौपदी मुर्मू यांची भेट घेऊन या प्रकरणात निष्पक्ष चौकशी आणि कारवाईची मागणी करणार आहे.
WhatsApp चं मोठं अपडेट! मेसेज, फोटो अन् व्हिडिओ शेड्यूल करून पाठवता येणार
काँग्रेस खासदाराविरोधात भाजपचे आंदोलन
अंगोमचा बिमोल अकोइजम हे मणिपूरमधील इनर मणिपूर लोकसभा मतदारसंघाचे काँग्रेस खासदार आहेत. ते जवाहरलाल नेहरू विद्यापीठात प्राध्यापक म्हणूनही कार्यरत होते. त्यांच्याविरोधात 11 विद्यार्थिनींनी लैंगिक छळाच्या तक्रारी केल्याचे वृत्त आहे. या तक्रारींच्या चौकशीनंतर विद्यापीठाने 9 ऑक्टोबर रोजी त्यांना प्राध्यापक पदावरून तात्काळ बडतर्फ केले.
मुंबईत प्रवासाचा चेहरामोहरा बदलणार; बुलेट ट्रेनसोबत पॉड टॅक्सी आणि ड्रायव्हरलेस बसचं जाळं उभारणार
या प्रकरणावरून भाजप महिला मोर्चाने सोमवारी दिल्लीतील काँग्रेस मुख्यालयाच्या दिशेने मोर्चा काढला. खासदार अकोइजम यांना काँग्रेसमधून काढून टाकावे, तसेच पक्षाच्या वरिष्ठ नेतृत्वाने या प्रकरणावर भूमिका स्पष्ट करावी, अशी मागणी भाजपकडून करण्यात आली. आंदोलनादरम्यान काही कार्यकर्त्यांना पोलिसांनी ताब्यात घेतले होते.
राष्ट्रपतींकडे कारवाईची मागणी
या प्रकरणी भाजपच्या महिला खासदारांचे शिष्टमंडळ राष्ट्रपती द्रौपदी मुर्मू यांची भेट घेतली. या प्रकरणाची निष्पक्ष चौकशी व्हावी आणि संबंधितांवर योग्य ती कारवाई करावी, अशी मागणी शिष्टमंडळाने केली. भाजपने काँग्रेस नेतृत्वाच्या भूमिकेवर प्रश्न उपस्थित केले असून, महिलांच्या सुरक्षेच्या मुद्द्यावर पक्षाने स्पष्टीकरण द्यावे, अशी मागणी केली आहे.
खासदाराने आरोप फेटाळले
दरम्यान, दिल्ली पोलिसांनी 11 ऑक्टोबर रोजी विद्यापीठाच्या मुख्य सुरक्षा अधिकाऱ्याने दिलेल्या तक्रारीवरून अकोइजम यांच्याविरोधात गुन्हा दाखल केला आहे. लैंगिक छळ आणि महिलेच्या विनयशीलतेचा अवमान करण्याशी संबंधित कलमांनुसार हा गुन्हा नोंदवण्यात आला असून, पोलिसांचा तपास सुरू आहे.
अकोइजम यांनी आरोप फेटाळले आहेत. विद्यापीठाच्या चौकशी प्रक्रियेवरही त्यांनी प्रश्न उपस्थित केले आहेत. त्यामुळे या प्रकरणात पुढील तपास आणि कायदेशीर प्रक्रिया महत्त्वाची ठरणार आहे.