Maharshtra Sadan Scam : महाराष्ट्र सदन बांधकाम प्रकरणात मंत्री छगन भुजबळ (Chhagan Bhujbal) यांना दिलासा मिळाला आहे. महाराष्ट्र सदन बांधकाम घोटाळा (Maharshtra Sadan Scam) प्रकरणी चमणकर बंधूंना मुंबई उच्च न्यायालयाने दोषमुक्त केलंय. न्यायमूर्ती अजय गडकरी, राजेश पाटील खंडपीठाने कृष्णा चमणकर, प्रशांत चमणकर, प्रसन्न चमणकर यांना दोषमुक्त केलं आहे.
अतिवृष्टी झालेल्या भागात सरसकट पंचनामे करा – मंत्री राधाकृष्ण विखेंच्या प्रशासनाला सूचना
महाराष्ट्र सदन घोटाळ्याप्रकरणी तत्कालीन बांधकाम मंत्री छगन भुजबळ यांच्यावर भ्रष्टाचाराचे आरोप करण्यात आले होते. या भ्रष्टाचार प्रकरणात भुजबळ तुरुंगातही गेले होते. महायुतीसोबत गेल्यानंतर छगन भुजबळ यांना दिलासा मिळाला होता. महाराष्ट्र सदन घोटाळ्याप्रकरणी भुजबळ यांना न्यायालयाने क्लिनचीट दिली.
मुंबईतील अंधेरी येथील ‘आरटीओ’च्या जमिनीवर झोपडपट्टी पुनर्वसनाची अनुमती देताना त्या बदल्यात संबंधित कंपनीकडून दिल्ली येथे महाराष्ट्र सदनाच्या इमारतीची पुनर्बांधणी, तसेच मुंबईत मलबार हिल येथे विश्रामगृह बांधून घेण्यासाठी राज्य सरकारने कंत्राट दिले. या कामाची कोणतीही निविदाप्रक्रिया राबवण्यात आली नाही.
काजोल अन् ट्विंकल झळकणार एकत्र! प्राइम व्हिडिओने रिलीज केला ‘टू मच विथ काजोल आणि ट्विंकल’ चा ट्रेलर
कालांतराने संबंधित कंपनीने इतर विकासक कंपनीसोबत करारनामा करत विकासाचे हक्क विकले. राज्य सरकारच्या निकषांप्रमाणे कंत्राटदार आस्थापनाला 20 टक्के नफा अपेक्षित अतांना पहिल्या विकासकाला 80 टक्के नफा मिळाल्याचा आरोप केला गेला. यामध्ये आस्थापनाने 190 कोटी रुपयांचा नफा कमावला. त्यातील 13 कोटी 50 लाख रुपये आस्थापनाने भुजबळ कुटुंबीयांना दिले, असा आरोप भ्रष्टाचारविरोधी पथकाने केला होता.
2005 मध्ये कोणतीही निविदा प्रक्रिया न राबवता याप्रकरणी विकासकाची नेमणूक केल्याचा ठपका ठेवण्यात आला होता. त्यानंतर पीएमएलए अंतर्गत याप्रकरणी ईडीनंही कारवाई केली होती. एसीबीच्यावतीनं मुंबई सत्र न्यायालयात आयपीसी कलम 409 (लोकसेवक असूनही सरकारी मालमत्तेचे नुकसान) आणि कलम 471 (अ) (बोगस कागदपत्रे तयार करणे) यानुसार आरोप ठेवले होते.
वस्तुंप्रमाणे अवघ्या काही मिनिटांत हाडंही चिटकवता येणार! चीनने बनवलं हाडांचं फेविक्विक…
