Video : शनिवारवाड्यासमोर नमाज पढण्याचा कथित व्हिडीओ व्हायरल?, घटनेने पुण्यात मोठी खळबळ

पुण्यातून मोठी बातमी समोर आली आहे. येथील शनिवारवाड्यासमोरील उद्यानात मुस्लीम लोकांमार्फत नमाज पढण्याचा एक कथित व्हिडीओ व्हायरल झाला आहे.या व्हिडीओमुळे शांत असलेल्या पुण्यात खळबळ उडाली आहे. (Pune)  हा प्रकार समाजमाध्यमांत व्हायरल करण्यात आला आहे. इंस्टाग्रामवर या संदर्भात एक कथित व्हिडीओ व्हायरल होत असल्याने आता वेगवेगळ्या चर्चा सुरू झाल्या आहेत.

पुण्याच्या प्रसिद्ध ऐतिहासिक शनिवार वाड्याच्या आतील बाजूला मुस्लीमांना धार्मिक कार्य करत नमाज पठण केल्याचा व्हिडीओ व्हायलर झाला आहे.या घटनेनंतर आता पतितपावन संघटनेच्या वतीने शनिवार वाड्यात शिव वंदना केली जाणार असल्याने शनिवार वाड्याच्या प्रवेशद्वारावर मोठा पोलीस बंदोबस्त तैनात केला गेला आहे. या पूर्वी सारस्वत बाग येथेही अशाच प्रकारे मुस्लीमांनी नमाज पढण्याच्या कार्यक्रम केला होता असा आरोप केला जात आहे.

पुण्यातील जैन बोर्डिंग जमीन प्रकरण! राजू शेट्टींचे गंभीर आरोप, मंत्री मुरलीधर मोहोळ यांचं स्पष्टीकरण

खासदार मेधा कुलकर्णी आक्रमक झाल्या आहेत. त्या म्हणाल्या, शनिवार वाडा हा आमच्या विजयाचे प्रतीक आहे त्यामुळे या ठिकाणी ज्यांनी येऊन नमाज पठण केला आहे, त्या जागेचा शुद्धीकरण आम्ही शिववंदना करून करणार आहोत. असं काम करत असाल तर इथून पुढे खपवून घेतलं जाणार नाही. येथे आम्ही आता शिव वंदना करण्यासाठी आम्ही इथे एकत्र आलो आहोत. येथे हिंदू धर्मच चालेल असे खासदार मेधा कुलकर्णी यांनी म्हटले असून त्या शनिवारवाडा येथे दाखल झाल्या आहेत.

ऐतिहासिक शनिवार वाड्याच्या आत मुस्लीमांकडून नमाज पढण्याचा प्रकार उघडकीस आल्यानंतर पतित पावर संघटना आणि इतर हिंदू संघटनांनी येथे रविवारी सायंकाळी जमून शिव वंदना घेतली. या वेळी भाजपाचा खासदार मेधा कुलकर्णी देखील हजर होत्या. यावेळी येथे गोमूत्र शिंपडून ही जागा पवित्र करण्यात आला. या वेळी खासदार मेधा कुलकर्णी यांनी उपस्थित हिंदू कार्यकर्त्यांचे या शुद्धीकरणाबद्दल अभिनंदन देखील केले.