Anjali Damania on Vaishnavi Hagawane Death : नुकतीच वैष्णवी हगवणे हिने आत्महत्या प्रकरणात केली. या प्रकरणात रोज नवनवे खुलासे समोर येत आहेत. दरम्यान, रात्री उशीरा पिंपरी-चिंचवड पोलिसांनी स्वारगेट परिसरातून वैष्णवीचा सासरा राजेंद्र हगवणे व दीर सुशील हगवणे यांना अटक केल्यानंतर (Vaishnavi) आता पूर्ण हगवणे कुटुंब अटकेत आहे. अशातच सामाजिक कार्यकर्त्या अंजली दमानिया यांनी एक ट्वीट केलं आहे.
Video : वैष्णवी हगवणे प्रकरण गाजत असताना बावधन पोलिसांनी अवघ्या दोन मिनिटांत गुंडाळली प्रेस
अंजली दमानियांनी गुरुवारी रात्री एक्सवर केलेल्या पोस्टमध्ये थेट पवार कुटुंबाला लक्ष्य केलं आहे. करिश्मा हगवणेबरोबर सुनेत्रा पवार? याच करिश्मा हगवणेबरोबर सुप्रिया सुळे व शरद पवारही आहेत? हेही वरवरचे संबंध आहेत का? आज अजित पवार म्हणतात एका लग्नात गेलो आणि माझ्या मागे लचांड लागलं? इतक्या गंभीर विषयावर अशी भाषा? हे संवेदनशील असू शकत नाहीत. धक्कादायक, असं दमानियांनी या पोस्टमध्ये म्हटलं आहे.
काय आहे व्हिडीओमध्ये?
दमानियांनी या पोस्टसोबत एक व्हिडीओ क्लिप आणि दोन फोटो शेअर केले आहेत. पहिल्या व्हिडीओमध्ये राज्यसभा खासदार व अजित पवार यांच्या पत्नी सुनेत्रा पवार या एका दुकानाच्या उद्घाटन कार्यक्रमाला गेल्याचं दिसत आहे. त्यामध्ये सुनेत्रा पवार यांच्याबरोबर वैष्णवी हगवणेचा पती शशांकची नणंद करिश्माही दिसत आहे. त्यानंतर एका फोटोमध्ये करिश्मा हगवणे व सुप्रिया सुळे दिसत आहेत. तर एका फोटोमध्ये शरद पवारांच्या कार्यालयात करिश्मा भेटण्यासाठी गेल्याचं दिसत आहे.
वैष्णवीचा सासरा व दीराला अटक
वैष्णवीचा सासरा राजेंद्र हगवणे व दीर सुशील हगवणे यांना गुरुवारी रात्री उशीरा पोलिसांनी अटक केली. त्यासंदर्भात एबीपीशी बोलताना अंजली दमानियांनी प्रतिक्रिया दिली आहे. त्या दोघांना अटक झाली हे ऐकून बरं झालं. पण गंमत अशी आहे की ते दोघं पुण्यातच होते. पण ६-७ दिवस ते अटकेपासून लांब राहू शकले. त्यांना अटक करण्यासाठी इतके दिवस लागले याचं वाईट वाटतंय. पुण्यात त्यांना पाठिशी घालणारं कुणीतरी नक्कीच होतं. आता सगळ्यांनी आवाज उठवल्यानंतर त्यांना अटक झाली आहे, असंही त्या म्हणाल्या आहेत.
करिश्मा हगवणे बरोबर सुनेत्रा पवार?
ह्याच करिश्मा हगवणे बरोबर सुप्रिया सुळे आणि शरद पवार पण आहेत?
हे पण वरवरचे संबध आहेत का?
आज अजित पवार म्हणतात एका लग्नात गेलो आणि माझ्या मागे लचांड लागलं? इतक्या गंभीर विषयावर अशी भाषा ? संवेदनशील असू शकत नाहीत हे?
धक्कादायक pic.twitter.com/a719tBvog5
— Mrs Anjali Damania (@anjali_damania) May 22, 2025
