Celebrating the courage and determination of women through the ‘Asmita – Indomitable Woman 2026’ initiative : लष्करी परिवारातील सहा महिलांनी प्रतिकूल परिस्थितीवर मात करत घडवलेल्या प्रेरणादायी प्रवासाचा उलगडा; सर्वसमावेशक राष्ट्रनिर्मितीत महिलांच्या योगदानावर प्रकाश सदर्न स्टार आर्मी वुमेन्स वेल्फेअर असोसिएशनच्या (AWWA) वतीने पुण्यात १६ नोव्हेंबर २०२६ रोजी ‘अस्मिता – अदम्य नारी २०२६’ या कार्यक्रमाचे आयोजन करण्यात आले. लष्करी परिवारातील महिलांचे धैर्य, जिद्द आणि कर्तृत्व यांचा गौरव करणे हा या उपक्रमाचा मुख्य उद्देश होता. वैयक्तिक आयुष्यातील अनेक आव्हानांवर मात करून आत्मविश्वास, दृढनिश्चय आणि सकारात्मक दृष्टिकोनाच्या बळावर स्वतःची वेगळी ओळख निर्माण करणाऱ्या महिलांचा यावेळी सन्मान करण्यात आला.
बंगालच्या उपसागरात शक्तिशाली चक्रीवादळ घोंघावतेय; महाराष्ट्रात पाऊस, थंडीचा जोर ओसरणार!
या कार्यक्रमाच्या माध्यमातून महिलांना आपले जीवनानुभव आणि संघर्षाचा प्रवास मांडण्यासाठी व्यासपीठ उपलब्ध करून देण्यात आले. आयुष्यातील दुःखद प्रसंगांनंतर नव्याने उभे राहणे, कठीण परिस्थितीतही स्वप्नांचा पाठपुरावा करणे आणि समाजासाठी अर्थपूर्ण योगदान देणे, अशा विविध अनुभवांना यावेळी उजाळा मिळाला.
‘थाला’ करणार शेअर बाजारात एन्ट्री, ड्रोन कंपनी आणणार IPO ; SEBI ने दिली मंजुरी
यावेळी वैषाली अमोल गोरे, मेजर एरिका सुसन डॅनियल, मनीषा कुमारी, संध्या राणी, लेफ्टनंट कर्नल स्पंदना रेड्डी आणि चित्रलेखा नवले या सहा महिलांनी आपला प्रेरणादायी जीवनप्रवास उपस्थितांसमोर मांडला. त्यांच्या अनुभवांतून धैर्य, चिकाटी आणि प्रतिकूल परिस्थितीवर मात करण्याच्या क्षमतेचे महत्त्व अधोरेखित झाले. या कार्यक्रमाला AWWAच्या माजी अध्यक्षा वीणा नरवणे, कला सल्लागार, सांस्कृतिक राजनैतिक प्रतिनिधी आणि शास्त्रीय नृत्यांगना डॉ. उषा राधाकृष्णन तसेच साईशा इंडिया फाउंडेशनच्या संस्थापक जयश्री रतन यांची प्रमुख उपस्थिती होती.
कार्यक्रमाला संबोधित करताना सदर्न स्टार AWWAच्या प्रादेशिक अध्यक्षा अनुपमा पुष्कर यांनी महिलांना आपले अनुभव मांडण्यासाठी व्यासपीठ उपलब्ध करून देण्याचे महत्त्व अधोरेखित केले. महिलांनी स्वतःमधील क्षमता ओळखून इतरांसाठी प्रेरणादायी ठरावे, असे आवाहनही त्यांनी केले. लष्करी परिवारातील महिलांमध्ये परस्पर सहकार्य, आत्मविश्वास, सर्वसमावेशकता आणि सक्षमीकरणाची भावना वाढीस लावण्यासाठी AWWA कटिबद्ध असल्याचे त्यांनी सांगितले.
Call Me Bae S2 ची रिलीज डेट ठरली; 17 डिसेंबरला प्राइम व्हिडिओवर होणार प्रीमियर
महिलांच्या नेतृत्वाखालील विकासाला चालना देणे आणि सर्वसमावेशक राष्ट्रनिर्मिती साध्य करणे, या राष्ट्रीय दृष्टिकोनाच्या पार्श्वभूमीवर या उपक्रमाला विशेष महत्त्व आहे. सशस्त्र दलांशी संबंधित महिला वैयक्तिक आणि व्यावसायिक आयुष्यातील अनेक वेगवेगळ्या आव्हानांना सामोरे जातात. त्याचवेळी कुटुंब आणि समाजाला बळ देण्याबरोबरच सेवाभावाची परंपराही त्या जपत असतात. त्यांच्या या योगदानाचीही कार्यक्रमातून दखल घेण्यात आली.
‘अस्मिता – अदम्य नारी २०२६’ या उपक्रमाने प्रतिकूल परिस्थितीवर सन्मानाने आणि दृढनिश्चयाने मात करून पुन्हा उभे राहण्यातच खरे अदम्य सामर्थ्य दडलेले असते, हा संदेश दिला. सामाजिक परिवर्तन आणि राष्ट्रनिर्मितीमध्ये सक्षम महिलांची भूमिका किती महत्त्वाची आहे, हेही या कार्यक्रमातून अधोरेखित करण्यात आले.
