तुमच्याही घरात नवं गर्भवती आहे? मग ‘या’ गोष्टींची काळजी नक्की घ्या…

Newly pregnant woman गर्भधारणेचे पहिले तीन महिने आई आणि गर्भातील बाळ या दोघांसाठीही अत्यंत महत्त्वाचे मानले जातात.

Newly pregnant woman in your home Then make sure to take care of things : गर्भधारणा हा प्रत्येक महिलेच्या आयुष्यातील अत्यंत महत्त्वाचा आणि संवेदनशील टप्पा असतो. विशेषतः गर्भधारणेचे पहिले तीन महिने, म्हणजेच पहिला त्रैमासिक (First Trimester), आई आणि गर्भातील बाळ या दोघांसाठीही अत्यंत महत्त्वाचे मानले जातात. या काळात बाळाच्या शरीरातील महत्त्वाच्या अवयवांची निर्मिती सुरू होते. त्यामुळे आहार, जीवनशैली किंवा आरोग्याची थोडीशीही निष्काळजीपणा आई आणि बाळ दोघांसाठीही हानिकारक ठरू शकतो.

सर्वोच्च न्यायालयाचा मोठा निकाल; गोहत्या पुर्णपणे बंदीच्या उच्च न्यायालयाच्या आदेशाला स्थगिती

या काळात अनेक महिलांना थकवा, मळमळ, उलट्या, अशक्तपणा तसेच संप्रेरकांमधील (हार्मोनल) बदलांमुळे विविध त्रास जाणवू शकतात. त्यामुळे घरातील एखाद्या महिलेची नुकतीच गर्भधारणा निश्चित झाली असेल, तर सुरुवातीच्या दिवसांत तिची विशेष काळजी घेणे गरजेचे आहे. जाणून घेऊया, गर्भधारणेच्या सुरुवातीच्या काळात कोणत्या गोष्टींची काळजी घ्यावी आणि कोणत्या गोष्टी टाळाव्यात.

1. शक्य तितक्या लवकर डॉक्टरांकडून तपासणी करून घ्या

गर्भधारणा निश्चित झाल्यानंतर विलंब न करता स्त्रीरोगतज्ज्ञांची भेट घेणे आवश्यक आहे. पहिल्या तपासणीत डॉक्टर आई आणि गर्भातील बाळाच्या आरोग्याची तपासणी करतात. गरजेनुसार रक्त तपासणी, लघवीची तपासणी, सोनोग्राफी (अल्ट्रासाऊंड) तसेच इतर आवश्यक चाचण्या करून घेतल्या जातात. त्यामुळे कोणतीही आरोग्य समस्या वेळेवर लक्षात येते आणि नियमित तपासण्यांमुळे गर्भधारणेदरम्यान होणाऱ्या गुंतागुंतीचा धोका कमी होतो.

2. फॉलिक अॅसिड आणि डॉक्टरांनी सांगितलेली औषधे वेळेवर घ्या

गर्भधारणेच्या सुरुवातीच्या काही आठवड्यांत बाळाच्या मेंदू, पाठीचा कणा आणि इतर महत्त्वाच्या अवयवांचा विकास वेगाने होत असतो. म्हणूनच डॉक्टर सहसा फॉलिक अॅसिडच्या गोळ्या घेण्याचा सल्ला देतात. याशिवाय गरजेनुसार लोह (Iron), कॅल्शियम किंवा इतर पूरक औषधेही दिली जाऊ शकतात. डॉक्टरांचा सल्ला न घेता कोणतेही औषध, हर्बल उत्पादन किंवा सप्लिमेंट घेऊ नये. काही औषधांचा गर्भातील बाळावर विपरीत परिणाम होऊ शकतो.

3. पौष्टिक आणि संतुलित आहार घ्या

गर्भवती महिलेचा आहार थेट बाळाच्या वाढीवर परिणाम करत असतो. आहारात हिरव्या पालेभाज्या, हंगामी फळे, कडधान्ये, संपूर्ण धान्ये, दूध, दही, पनीर, अंडी (जर खात असाल) आणि प्रथिनयुक्त पदार्थांचा समावेश करा. फास्ट फूड, अतितेलकट, तळलेले आणि पॅकेज्ड पदार्थ शक्यतो टाळा. बराच वेळ उपाशी राहू नका आणि दिवसभर पुरेसे स्वच्छ पाणी प्या, जेणेकरून शरीर हायड्रेट राहील.

4. पुरेशी विश्रांती घ्या

गर्भधारणेच्या सुरुवातीच्या काळात संप्रेरकांमधील बदलांमुळे थकवा, अशक्तपणा आणि जास्त झोप येणे ही सामान्य बाब आहे. अशावेळी शरीराला पुरेशी विश्रांती मिळणे आवश्यक आहे. दररोज किमान 7 ते 9 तासांची झोप घ्या आणि गरज वाटल्यास दिवसा काही वेळ आराम करा. जड वस्तू उचलणे, बराच वेळ उभे राहणे किंवा अतिशय कष्टाचे शारीरिक काम करणे टाळा. पुरेशा विश्रांतीमुळे आईचे आरोग्य चांगले राहते आणि गर्भातील बाळाच्या योग्य विकासालाही मदत होते.

5. धूम्रपान, मद्यपान आणि तंबाखूपासून पूर्णपणे दूर राहा

गर्भधारणेदरम्यान धूम्रपान, मद्यपान, तंबाखू किंवा कोणत्याही प्रकारच्या व्यसनाधीन पदार्थांचे सेवन आई आणि बाळ दोघांसाठीही अत्यंत धोकादायक ठरू शकते. यामुळे गर्भपात, अकाली प्रसूती, कमी वजनाच्या बाळाचा जन्म तसेच जन्मजात व्यंगांचा धोका वाढू शकतो. घरात इतर कोणी धूम्रपान करत असेल, तर गर्भवती महिलेला त्याच्या धुरापासून (सेकंड-हँड स्मोक) देखील दूर ठेवणे आवश्यक आहे. निरोगी गर्भधारणेसाठी सर्व प्रकारच्या व्यसनांपासून पूर्णपणे दूर राहणे हा सर्वात सुरक्षित पर्याय आहे.

संबंधित बातम्या