Ketan Agarwal’s death Case Siya Goyal’s mother makes several claims regarding Siya and Chetan Chaudhary : केतन अग्रवाल मृत्यू प्रकरणात अटक करण्यात आलेल्या सिया गोयलच्या आई पूजा गोयल यांनी मुलीच्या शिक्षण, व्यवसाय आणि वैयक्तिक आयुष्याबाबत काही महत्त्वाचे दावे केले आहेत. सियाला शिक्षणापेक्षा व्यवसायात अधिक रस होता आणि ही बाब केतन अग्रवाल यांच्या कुटुंबीयांना साखरपुड्यापूर्वीच सांगितली होती, असे त्यांनी स्पष्ट केले.
शिंदेंकडून ठाकरेंना सर्वात मोठा धक्का! सचिन अहिर यांचा शिवसेनेकडून विधानपरिषद उपसभापतीपदासाठी अर्ज
पूजा गोयल यांच्या म्हणण्यानुसार, सिया बारावीची परीक्षा उत्तीर्ण होऊ शकली नव्हती. अभ्यासात विशेष रस नसल्याने तिने घरातून केक आणि बेकिंगचा छोटा व्यवसाय सुरू केला. साखरपुडा ठरण्यापूर्वीच ही माहिती केतनच्या कुटुंबीयांना दिली होती, असा त्यांचा दावा आहे. सियाच्या शिक्षणाबाबत बोलताना त्यांनी सांगितले की, ती पुण्यातील एका महाविद्यालयात वाणिज्य शाखेत शिक्षण घेत होती. मात्र, तिच्या शैक्षणिक प्रगतीबाबत अधिक माहिती त्यांनी दिली नाही.
सनरायझर्स हैदराबादची मालकीण काव्या मारनचं लग्न ठरलं! ‘कोलावेरी डी’ फेम कंपोझरसोबत बांधणार गाठ
सहआरोपी चेतन चौधरीशी सियाची ओळख कशी झाली, याविषयीही पूजा गोयल यांनी भूमिका मांडली. पुण्यातील मार्केट यार्ड परिसरात आयोजित करण्यात आलेल्या एका क्रिकेट स्पर्धेदरम्यान दोघांची प्रथम भेट झाली होती. मात्र, केतन अग्रवालसोबत साखरपुडा ठरल्यानंतर सिया आणि चेतन यांच्यात कोणतेही प्रेमसंबंध नव्हते, असा त्यांचा दावा आहे.सिया केतनशी संपर्क टाळत होती, हा आरोपही त्यांनी फेटाळून लावला. त्यांच्या म्हणण्यानुसार, केतनचा फोन आला की सिया त्याच्याशी नियमित बोलत असे. तसेच तपासात चर्चेत आलेल्या उदयपूर दौऱ्याबाबत आवश्यक माहिती आणि स्पष्टीकरण पोलिसांना दिल्याचेही त्यांनी सांगितले.
विधानपरिषद उपसभापतीपदासाठी शिवसेनेत रस्सीखेच; गोऱ्हेंसह आणखी दोन नावांची चर्चा
दरम्यान, चेतन चौधरीच्या शेजाऱ्यांनी त्याच्याविषयी सकारात्मक भूमिका मांडली आहे. तो क्रिकेटचा उत्तम खेळाडू असून त्याने विविध स्पर्धांमध्ये 150 हून अधिक ट्रॉफी जिंकल्या आहेत. त्याच्या स्वभावात कधीही हिंसक प्रवृत्ती जाणवली नसल्याचा दावा स्थानिकांनी केला आहे. त्याचे काका उदयराम यांनीही कुटुंबाला या आरोपांवर विश्वास ठेवणे कठीण जात असल्याचे म्हटले आहे.चेतन चौधरीचे वकील राम शहाणे यांनीही आपल्या अशिलावरील आरोप फेटाळले आहेत. सिया आणि चेतन यांच्यात झालेले फोनवरील संभाषण हे मैत्री आणि व्यावसायिक कारणांपुरतेच मर्यादित होते, असा त्यांचा दावा आहे.
दुसरीकडे, केतन अग्रवाल यांची आई राखी अग्रवाल यांनी सांगितले की, सिया अनेकदा त्यांच्या कुटुंबीयांच्या कार्यक्रमांना उपस्थित राहत असे. तिच्या वागणुकीत कधीही संशयास्पद काही जाणवले नव्हते आणि ती इतर सामान्य मुलींप्रमाणेच वागत असल्याचे त्यांनी नमूद केले. सध्या या प्रकरणाचा तपास सुरू असून विविध व्यक्तींकडून करण्यात आलेले दावे आणि मांडण्यात आलेल्या भूमिका तपास यंत्रणांकडून पडताळल्या जात आहेत.