Lieutenant General Rajesh Pushkar (AVSM, VSM) assumed command of the Southern Command : लेफ्टनंट जनरल राजेश पुष्कर (AVSM, VSM) यांनी 1 जुलै 2026 रोजी भारतीय लष्कराच्या दक्षिण कमांडचे जनरल ऑफिसर कमांडिंग-इन-चीफ (GOC-in-C) म्हणून पदभार स्वीकारला. त्यांनी लेफ्टनंट जनरल संदीप जैन (AVSM, SM) यांच्याकडून ही जबाबदारी स्वीकारली. लेफ्टनंट जनरल संदीप जैन यांनी नुकतीच भारतीय लष्कराचे उपलष्करप्रमुख (Vice Chief of the Army Staff) म्हणून सूत्रे हाती घेतली आहेत.
अयोध्येप्रमाणे शिर्डीत दान चोरी होऊ शकते? मंत्री राधाकृष्ण विखे पाटलांनी स्पष्टच सांगितले
राष्ट्रीय संरक्षण प्रबोधिनी (NDA)चे माजी विद्यार्थी असलेले लेफ्टनंट जनरल राजेश पुष्कर यांना डिसेंबर 1988 मध्ये 74 आर्मर्ड रेजिमेंटमध्ये नियुक्ती मिळाली होती. चार दशकांहून अधिक काळाच्या प्रदीर्घ लष्करी सेवेत त्यांनी विविध महत्त्वाच्या जबाबदाऱ्या यशस्वीपणे पार पाडल्या आहेत. ऑपरेशन सिंदूरदरम्यान 2 कॉर्प्सचे जनरल ऑफिसर कमांडिंग म्हणून त्यांनी प्रभावी नेतृत्व आणि दूरदृष्टीचे दर्शन घडवले.
S. Sreesanth : बिनशर्त माफीनंतर श्रीसंतला दिलासा; ‘त्या’ प्रकरणात केसीएने उठवली तीन वर्षांची बंदी
आपल्या कारकिर्दीत त्यांनी कार्यरत क्षेत्रातील आर्मर्ड रेजिमेंट, स्वतंत्र आर्मर्ड ब्रिगेड, इन्फंट्री डिव्हिजन आणि पश्चिम सीमेवरील महत्त्वाच्या स्ट्राइक कॉर्प्सचे नेतृत्व केले आहे. याशिवाय त्यांनी कर्नल मिलिटरी सेक्रेटरी, कर्नल जनरल स्टाफ, ब्रिगेडियर क्वार्टरमास्टर जनरल, ब्रिगेडियर जनरल स्टाफ, अतिरिक्त महासंचालक (आर्मर्ड कॉर्प्स) आणि टेरेटोरियल आर्मीचे महासंचालक अशा विविध वरिष्ठ पदांवरही काम केले आहे. तसेच ते राष्ट्रीय संरक्षण प्रबोधिनी, खडकवासला येथे प्रशिक्षक म्हणूनही कार्यरत होते.
तुम्हीही ‘पुशी पेरेंट’ आहात का?; जाणून घ्या ‘Pushy Parenting’चे गंभीर परिणाम
आंतरराष्ट्रीय स्तरावरही त्यांना महत्त्वाचा अनुभव आहे. ते भारतीय लष्करी प्रशिक्षण पथकाचा भाग म्हणून भूतानमध्ये कार्यरत होते. तसेच रशियातील भारतीय दूतावासात संरक्षण आणि लष्करी सल्लागार म्हणून त्यांनी काम पाहिले असून, आर्मेनिया आणि बेलारूस या देशांचीही त्यांच्याकडे अतिरिक्त जबाबदारी होती.
विमानतळाच्या मेट्रो मार्गावर शिक्कामोर्तब; तर, पौड फाटा ते वनदेवी होणार दुहेरी उड्डाणपूल…
लेफ्टनंट जनरल राजेश पुष्कर यांनी राष्ट्रीय संरक्षण प्रबोधिनीसह डिफेन्स सर्व्हिसेस स्टाफ कॉलेज, कॉलेज ऑफ डिफेन्स मॅनेजमेंट आणि नॅशनल डिफेन्स कॉलेजमधून उच्च शिक्षण पूर्ण केले आहे. त्यांनी संरक्षण व सामरिक अध्ययन, व्यवस्थापन अध्ययन तसेच संरक्षण आणि आंतरराष्ट्रीय संबंध या विषयांमध्ये पदव्युत्तर पदव्या आणि एम.फिल. प्राप्त केली आहे.
स्पायडर-मॅन : ब्रँड न्यु डे हा ‘ईपिक’ स्वरूपात सादर होणारा पहिला हॉलिवूड चित्रपट
उत्कृष्ट लष्करी सेवेसाठी त्यांना अति विशिष्ट सेवा पदक (AVSM), विशिष्ट सेवा पदक (VSM), लष्करप्रमुखांचे प्रशस्तीपत्र तसेच तीन वेळा आर्मी कमांडर प्रशस्तीपत्र मिळाले आहे.पदभार स्वीकारल्यानंतर लेफ्टनंट जनरल राजेश पुष्कर यांनी दक्षिण कमांड युद्धस्मारकावर शहीद जवानांना अभिवादन केले. त्यानंतर दक्षिण कमांड मुख्यालयात त्यांना गार्ड ऑफ ऑनर देण्यात आला.
यावेळी त्यांनी दक्षिण कमांडची सर्वोच्च कार्यतत्परता कायम राखण्याचा निर्धार व्यक्त केला. संयुक्त लष्करी समन्वय अधिक मजबूत करणे, स्वदेशी संरक्षण क्षमता वाढवणे आणि आधुनिक तंत्रज्ञानाचा वेगाने स्वीकार करून लष्कराची कार्यक्षमता अधिक बळकट करण्यावर भर दिला जाईल, असे त्यांनी सांगितले. भारतीय लष्कराची गौरवशाली परंपरा जपत देशसेवेसाठी सर्वोच्च व्यावसायिकता आणि कार्यक्षमतेची परंपरा कायम राहील, असा विश्वासही त्यांनी व्यक्त केला.