राष्ट्रवादीचे नेते सुनिल तटकरे आणि प्रफुल्ल पटेल यांना दिवगंत नेते अजित पवार (Ajit Pawar) यांचा राष्ट्रवादी पक्ष ताब्यात घ्यायचा होता, असा खळबळजनक दावा शरद पवार यांच्या पक्षातील नेते रोहित पवार यांनी केला आहे. आता त्यांच्या याच आरोपांवर सुनिल तटकरे यांनी भूमिका स्पष्ट केली आहे.
माझ्यावर टीका होणे स्वाभाविक आहे. मी कायम अजित पवार यांच्यासोबत होतो. एनडीएत सहभागी होण्यासाठीही आम्ही त्यांच्या पाठीमागे होतो. आम्ही त्यांची सावलीसारखी साथ केली, असे तटकरे यांनी सांगितले. तसेच थोडं शांत बसावं. अन्यथा भविष्यात मला काही गोष्टी सांगाव्या लागतील, असा सूचक इशाराही तटकरे यांनी दिला. तटकरे यांनी दिलेला हा इशारा रोहित पवार यांच्यासाठीच होता, असे बोलले जात आहे.
अजित दादांची जागा घेण्यासाठी त्यांना संपवल, रोहित पवारांचा खळबळजनक आरोप
“मला अनेकवेळा टार्गेट करण्यात आलं. 2014 साली टार्गेट करण्याचे प्रमाण वाढले आहे. अजितदादांची राज्यातील उंचावलेली प्रतीमा, त्यांनी पक्षावर मिळवलेली पकड यात आमचा सहभाग असल्याने आम्हाला टार्गेट केलं जाणं स्वाभाविक आहे. आम्ही एनडीएमध्ये सहभागी होण्याचा निर्णय घेतला, तेव्हाही आम्ही अजित पवार यांच्यासोबत होतो, असे तटकरे यांनी सांगितले.
तसेच अजित पवार यांचा अपघात झाल्यानंतर त्यांचे शव हॉस्पिटलला आणण्यात आले. त्यानंतर पोस्टमॉर्डमपासून काय काय घडलं, याची इत्यंभूत माहिती माझ्याकडे आहे. त्यामुळे कृपया थांबा अन्यथा पुढच्या काळात मला काही गोष्टी सांगाव्या लागतील, असा गंभीर इशारा तटकरे यांनी दिला.
तुम्ही सुनेत्रा पवार, जय पवार, पार्थ पवार यांच्याविरोधात काय कटकारस्थान रचत होते याची माहिती आमच्या सर्वांकडे आहे. म्हणून त्यांनी थोडे थांबायला हवे. आपल्याला सुसंस्कृत पद्धतीने पुढे वाटचाल करायची आहे, असे म्हणत हा इशारा ज्याला असेल त्याने तो समजून घ्यावा, असं म्हणत रोहित पवार यांना अप्रत्यक्षपणे इशारा दिला आहे.