Pune Teacher Election Voter Registration: पुणे : पुणे विभाग शिक्षक मतदारसंघाच्या द्विवार्षिक निवडणूक 2026 साठी मतदार नोंदणी प्रक्रियेत निर्माण झालेल्या गोंधळामुळे हजारो पात्र शिक्षक व प्राध्यापक मतदार हे मतदार यादीत नाव नोंदणीपासून वंचित राहिल्याचा दावा पुणे शिक्षक मतदार संघातील इच्छुक उमेदवार प्रा. सचिन सानप यांनी बुधवारी पत्रकार परिषदेत केला आहे.
सोमेश्वर कारखान्यात अजितदादा पवार पॅनेलला मोठा धक्का; विद्यमान अध्यक्ष पुरुषोत्तम जगतापांचं बंड
या प्रकरणी सानप यांनी केंद्रीय निवडणूक आयोग, राज्याचे मुख्य निवडणूक अधिकारी, तसेच पुणे विभागीय आयुक्त यांच्याकडे लेखी निवेदन दिले आहे. तसेच एका प्राध्यापकाने न्यायालयात याबाबत याचिका दाखल केली असल्याचा दावाही सानप यांनी पत्रकारांशी बोलताना केला. तसेच शिक्षक मतदार संघाची निवडणूक लढण्यावर ठाम असल्याची भूमिका त्यांनी बोलून दाखवली.
निवडणूक आयोगाने 22 सप्टेंबर 2026 रोजी महाराष्ट्र विधान परिषदेच्या पदवीधर व शिक्षक मतदारसंघांच्या द्विवार्षिक निवडणुकीचा कार्यक्रम जाहीर केला. प्रा. सानप यांच्या म्हणण्यानुसार, निवडणूक कार्यक्रम जाहीर झाल्यानंतर अल्प कालावधीतच मतदार नोंदणीची प्रक्रिया बंद झाल्याने अनेक पात्र शिक्षकांना नोंदणीची संधी मिळाली नाही. विशेषतः 26 सप्टेंबर हा शनिवार असल्याने प्रत्यक्ष नोंदणीसाठी अत्यल्प कालावधी उपलब्ध राहिल्याचा दावा त्यांनी केला आहे.
अशोक खरात प्रकरणात कोर्टाचा मोठा आदेश, आरोपींच्या वकिलांना व्हिडीओ पुरावे पाहण्याची परवानगी
मतदार नोंदणीसंदर्भात अधिकृत संकेतस्थळावरील सूचनांमध्ये आणि प्रत्यक्ष ऑनलाइन नोंदणी प्रक्रियेत विसंगती असल्याचा आरोप सानप यांनी केला आहे. त्यांच्या म्हणण्यानुसार, संबंधित संकेतस्थळावर नामनिर्देशनाच्या अंतिम दिनांकापर्यंत मतदार नोंदणी करता येईल, अशी माहिती उपलब्ध असताना प्रत्यक्ष नोंदणीचा प्रयत्न केल्यास नोंदणी बंद असल्याचा संदेश दिसत आहे.
मुख्य निवडणूक अधिकारी यांच्या संकेतस्थळावर शिक्षक मतदारसंघासाठी Form 19 तसेच संस्थाप्रमुखांचे प्रमाणपत्र उपलब्ध करून देण्यात आले आहे. शिक्षक मतदारसंघाच्या मतदार यादीसाठी स्वतंत्र प्रारूप व अंतिम मतदार याद्याही संकेतस्थळावर प्रसिद्ध करण्यात आल्या आहेत.
ब्रेकिंग: फ्लाय दुबईच्या विमानात हल्ला झालेला पायलट भारतीय; कॉकपिटमध्ये नेमकं काय घडलं?
शाळांमधील शिक्षकांकडे शालार्थ आयडी उपलब्ध असतो; मात्र वरिष्ठ महाविद्यालये, विद्यापीठे व उच्च शिक्षण संस्थांमधील काही प्राध्यापकांकडे शालार्थ आयडी नसल्यामुळे ऑनलाइन नोंदणी करताना अडचणी येत असल्याचे सानप यांनी म्हटले आहे. त्यामुळे अशा पात्र शिक्षक व प्राध्यापकांना प्रत्यक्ष कार्यालयीन प्रक्रियेवर अवलंबून राहावे लागत असल्याचा दावा त्यांनी केला आहे.
दरम्यान, मुख्य निवडणूक अधिकारी, महाराष्ट्र यांच्या संकेतस्थळावर पुणे विभाग शिक्षक मतदारसंघाची 2026 ची अंतिम मतदार यादी उपलब्ध असून ती 12 जानेवारी 2026 रोजी प्रसिद्ध झाल्याचे अधिकृत नोंदीत नमूद आहे. या यादीसाठी पात्रता दिनांक 1 नोव्हेंबर 2025 होता. प्रा. सानप यांनी दिलेल्या माहितीनुसार, 2020 च्या निवडणुकीत पुणे जिल्ह्यात 32,201 शिक्षक मतदार होते. त्यानंतर तयार झालेल्या नव्या यादीत जानेवारी 2026 मध्ये ही संख्या 12,187 पर्यंत आल्याचा दावा त्यांनी केला आहे. सोलापूर, कोल्हापूर, सातारा आणि सांगली जिल्ह्यांतही मतदारसंख्येबाबत अशीच परिस्थिती असल्याचे त्यांनी म्हटले आहे.
‘प्रदीप पुर्णेकरांचा आवाज वाढला अन् त्यांची हत्या केली’; संजय राऊतांचा शिंदे गटावर गंभीर आरोप
या संपूर्ण प्रकरणी सानप यांनी 28 सप्टेंबर 2026 रोजी भारत निवडणूक आयोग, मुख्य निवडणूक अधिकारी महाराष्ट्र आणि विभागीय आयुक्त पुणे यांना ई-मेलद्वारे निवेदन पाठविल्याचे सांगितले. पात्र शिक्षक व प्राध्यापकांना मतदार म्हणून नोंदणीची संधी मिळावी, तसेच नोंदणी प्रक्रियेतील संभ्रम दूर करावा, अशी मागणी त्यांनी केली आहे.तसेच “अधिकृत संकेतस्थळावरील सूचनांवर विश्वास ठेवणाऱ्या शिक्षकांचा दोष काय? शालार्थ आयडी नसलेल्या प्राध्यापकांना ऑनलाइन अर्ज करण्याची संधीच मिळाली नाही. त्यामुळे पात्र मतदारांना मतदानाच्या अधिकारापासून वंचित राहण्याची परिस्थिती निर्माण झाली आहे,” असे सचिन सानप यांनी सांगितले.