VadgaonSheri Assembly Constituency : राष्ट्रवादी काँग्रेसचे (शरद पवार) पुण्यातील वडगाव शेरी विधानसभा मतदारसंघाचे (VadgaonSheri Assembly Constituency) उमेदवार बापूसाहेब पठारे (Bapusaheb Pathare) यांच्यासाठी प्रदेशाध्यक्ष जयंत पाटील (Jayant Patil) यांची तुफानी सभा झाली. विकास करणारा आमदार हवा की विनाश करणारा आमदार हवा, असे सांगत बापूसाहेब पठारे यांनी विजयी करण्याचे आवाहन जयंत पाटील यांनी केले.
पवारांना नोटीस पाठवणाऱ्या चिल्लर आमदाराला जनताच जागा दाखवेल : बापूसाहेब पठारे
राष्ट्रवादी काँग्रेसचे शरदचंद्र पवार पक्षाचे प्रदेशाध्यक्ष जयंत पाटील यांनी शुक्रवारी परांडेनगर, धानोरी येथे बापूसाहेब पठारे यांच्या प्रचारासाठी जनकल्याण जाहीर सभा घेतली. या सभेत जयंत पाटील यांनी त्रिकुट सरकारने राज्याचे अतोनात नुकसान केल्याने त्यांना शिक्षा करा, गद्दारांना शिक्षा करा, शिवाजी महाराजांचा पुतळा गलथान कारभाराने पाडणाऱ्यांना शिक्षा करा, विचारांची लढाई जिंका,असे तळमळीचे आवाहन केले. फडणवीस, शिंदे, अजित पवार हे भित्रे त्रिकुट आहे. भोपळा देणाऱ्यांना, श्रीमंतांची चाकरी करणाऱ्यांना महाराष्ट्राने अद्दल घडवली पाहिजे, असेही ते म्हणाले. पोर्शे अपघात प्रकरणातील बळींना श्रध्दांजली वाहण्यासाठी जयंत पाटील यांनी स्वतःचा सत्कार बाजूला ठेवला. बापूसाहेब पठारे यांच्या नेतृत्व, जनसंपर्क आणि लोकांसाठी केलेल्या कामाचे त्यांनी जोरदार कौतूक केले. पठारे यांना प्रचंड बहुमताने निवडून देण्याचे आणि वडगाव शेरीचे नाव बदनाम करणाऱ्या आमदाराला घरी बसविण्याचे आवाहन त्यांनी या सभेत मतदारांना केले.
ख्रिस्ती समाजाच्या समस्या विधानसभेत मांडू आणि सोडवू; बापूसाहेब पठारेंचा निश्चय
महाविकास आघाडीचे पदाधिकारी,कार्यकर्ते आणि मतदारांनी प्रचंड गर्दी केली होती. बापूसाहेब पठारे, जगन्नाथ शेवाळे, प्रकाश म्हस्के, जयदेव गायकवाड, रेखा टिंगरे, चंद्रकांत टिंगरे, स्वाती पोकळे, कैलास पठारे, जयवंत गोसावी, सुनील माने, सागर माळकर, सुनिल खांदवे, यांच्यासह अनेक मान्यवर उपस्थित होते. अंबुज पार्टी, रिपब्लिकन डेमोक्रॅटीक सह अनेक पक्ष, व्यक्तींनी पाठिंबा जाहीर केला.
जयंत पाटील म्हणाले, विकास करणारा आमदार हवा की विनाश करणारा आमदार हवा , हे तुम्ही राज्याला दाखवून दिले पाहिजे. बापूसाहेब पठारे हे एक कर्तबगार उमेदवार आहेत. त्यांनी वडगावशेरीतील जनतेच्या समस्या सोडवण्यासाठी सतत प्रयत्न केले आहेत. त्यांच्या रुपाने वडगावशेरीत विकासाचे नवे पर्व सुरू होईल, असा दमदार उमेदवार विधानसभेत गेला पाहिजे.
वडगाव शेरी मॉडर्न विकासाचे मॉडेल करू : बापूसाहेब पठारे
बापूसाहेब पठारे म्हणाले; आपण काय करतो आहोत याचे भान नसणारे उमेदवार या मतदारसंघात आहेत. त्यांनी हा मतदारसंघ राज्यात बदनाम केला. मी निवडून आल्यावर वडगावशेरीची मान खाली जाऊ देणार नाही आणि वडगाव शेरीला मॉडर्न विकासाचे मॉडेल करू. पाण्यासाठी आंदोलन करून, लॉकअपमध्ये जाऊन, वास मारणारी भाकरी खाणारा मी कार्यकर्ता आहे. कमी पडणार नाही. वडगावशेरीच्या जनतेने मला नेहमीच विश्वास दिला आहे. या विश्वासाला तडा जाऊ देणार नाही. माझा एकमेव उद्देश हा वडगावशेरीचा विकास साधणे आहे, आणि त्यासाठी मी सातत्याने कार्यरत राहिल.
