अहमदाबाद: भारताने ऑस्ट्रेलिया सलग चौथ्या मालिका नमवलं . 4 सामन्यांच्या मालिकेतील शेवटचा सामना अनिर्णित राहिल्याने भारताने ही मालिका 2-1 अशी जिंकली आहे. रोहित शर्माच्या नेतृत्वाखाली टीम इंडिया सलग ऑस्ट्रेलिया विरुद्ध चार कसोटी मालिका जिंकणारा आशियातील पहिला संघ ठरला आहे. एवढेच नाही तर भारताने घरच्या मैदानावर सलग सहाव्यांदा बॉर्डर-गावस्कर ट्रॉफी जिंकली आहे.
यापूर्वी 2004 मध्ये टीम इंडियाला घरच्या मैदानावर पराभवाचा सामना करावा लागला होता. संघाने घरच्या मैदानावर खेळलेल्या 14 पैकी फक्त 4 मालिका गमावल्या आहेत. अहमदाबादच्या नरेंद्र मोदी स्टेडियमवर शेवटच्या सामन्यातील ऑस्ट्रेलियाने आपला शेवटचा डाव 175/2 वर घोषित केला. कोणताही निकाल न लागल्याने दोन्ही कर्णधारांनी परस्पर संमतीने सामना संपल्याची घोषणा केली. घोषणा झाली तेव्हा मार्नस लॅबुशेन 63 आणि स्टीव्ह स्मिथ 10 धावांवर नाबाद परतले.
तत्पूर्वी, नाणेफेक जिंकून फलंदाजीचा निर्णय घेत ऑस्ट्रेलियाने 480 धावांची मजबूत धावसंख्या उभारली. प्रत्युत्तरात भारतीय संघाने 571 धावा केल्या आणि पहिल्या डावात 91 धावांची आघाडी घेतली. सोमवारी सामन्याच्या शेवटच्या दिवशी, ऑस्ट्रेलियाने आपला शेवटचा डाव 175/2 वर घोषित केला.
Oscar Awards 2023: ऑस्कर अवॉर्ड पहिल्यांदा भारताला कधी मिळाला होता, तुम्हाला माहीत आहे का?
ऑस्ट्रेलियाचा सलामीवीर ट्रॅव्हिस हेड 90 धावा करून नर्व्हस-90 चा बळी ठरला. त्याने 13वे कसोटी अर्धशतक झळकावले. हेडने लाबुशेनसोबत दुसऱ्या विकेटसाठी 292 चेंडूत 139 धावांची भागीदारी करून संघाला सुरुवातीच्या धक्क्यातून सावरले. नाईटवॉचमन म्हणून आलेला मॅथ्यू कुहनेमन बाद झाला असला तरी संघाने 14 धावांवर पहिली विकेट गमावली होती.
US : सिलिकॉन व्हॅलीनंतर आता अमेरिकेत सिग्नेचर बँकेचे दिवाळे
शेवटच्या दिवसाचे पहिले सत्र पाहुण्या संघाच्या फलंदाजांच्या नावावर राहिला, 14 धावांवर पहिली विकेट पडल्यानंतर संघ दडपणाखाली येईल असे वाटत होते, मात्र तसे झाले नाही. हेड-लाबुशेनने सत्रात दुसरी विकेट पडू दिली नाही. या सत्रात 70 धावा झाल्या. दिवसाचे दुसरे सत्र संमिश्र झाले. कांगारू फलंदाजांनी चहापानापूर्वी 88 धावा जोडल्या, पण ट्रॅव्हिस हेडच्या रूपाने संघाने मोठी विकेट गमावली. मार्नस लॅबुशेनने अर्धशतक झळकावले.
