IND Vs ENG : विशाखापट्टणम येथे खेळल्या जात असलेल्या तिसऱ्या कसोटीत भारतीय संघ इंग्लंडविरुद्धच्या दुसऱ्या डावात भारतीय संघ केवळ 255 धावांवर ऑलआऊट झाला. दुसऱ्या डावात शुभमन गिलने (Shubman Gillनगरकरांनी लुटला ‘Nagar Rising Half Marathon’ मध्ये धावण्याचा आनंद; हजाराे स्पर्धकांचा सहभाग) भारतासाठी 147 चेंडूत 104 धावांची सर्वात मोठी खेळी खेळली, ज्यात त्याने 11 चौकार आणि 2 षटकार मारले. याशिवाय अक्षर पटेलने (Akshar Patel) 6 चौकारांच्या मदतीने 45 धावांची खेळी केली. अशा प्रकारे टीम इंडियाने इंग्लंडला 399 धावांचे लक्ष्य दिले आहे. इंग्लंडकडून टॉम हार्टलेने सर्वाधिक चार विकेट घेतल्या. याशिवाय रेहान अहमदला तीन आणि जेम्स अँडरसनला दोन विकेट मिळाल्या.
सामन्याच्या तिसऱ्या दिवसाच्या तिसऱ्या सत्रात टीम इंडिया ऑलआऊट झाली. आता इंग्लंडकडे लक्ष्य गाठण्यासाठी साडेतीनपेक्षा कमी सत्रे शिल्लक आहेत, ज्यामध्ये त्यांना विजयासाठी 399 धावा करायच्या आहेत. टीम इंडियाला विजयासाठी 10 विकेट मिळवायच्या आहेत. सामना रंजक असेल कारण दोन्ही संघ विजयाच्या इराद्याने मैदानात उतरतील.
भारताचा दुसरा डाव असा गडगडला
दुसऱ्या डावात भारताची चांगली सुरुवात झाली नाही. 3 चौकारांच्या मदतीने केवळ 13 धावा करणाऱ्या कर्णधार रोहित शर्माच्या रूपाने संघाने 7व्या षटकात पहिली विकेट गमावली. त्यानंतर दुसरा धक्का 9वा षटकात फलंदाज यशस्वी जैस्वालच्या रूपाने बसला, त्याने केवळ 3 चौकारांच्या मदतीने 17 धावा करू शकला. जैस्वालने पहिल्या डावात 209 धावा केल्या होत्या.
दोन विकेट लवकर पडल्यानंतर श्रेयस अय्यर आणि शुभमन गिल यांनी मिळून भारतीय डाव पुढे नेला. दोघांनी तिसऱ्या विकेटसाठी 81 धावांची (112 चेंडू) भागीदारी केली. 28व्या षटकात अय्यरच्या विकेट पडली. अय्यरने 2 चौकार लगावत 29 धावा केल्या. त्यानंतर काही वेळाने म्हणजेच 31व्या षटकात भारताने नवोदित रजत पाटीदारच्या रूपात चौथी विकेट गमावली, तो केवळ 9 धावा करू शकला.
नगरकरांनी लुटला ‘Nagar Rising Half Marathon’ मध्ये धावण्याचा आनंद; हजाराे स्पर्धकांचा सहभाग
4 विकेट पडल्यानंतर शुभमन गिल आणि अक्षर पटेल यांनी जबाबदारी स्वीकारली. दोघांनी मिळून पाचव्या विकेटसाठी 89 धावा (151 चेंडू) जोडल्या. ही भागीदारी 56 व्या षटकात शतक झळकावल्यानंतर खेळत असलेल्या शुभमन गिलच्या विकेटसह संपुष्टात आली. गिलने 147 चेंडूत 11 चौकार आणि 2 षटकारांच्या मदतीने 104 धावांची खेळी केली. त्यानंतर अर्धशतकाकडे वाटचाल करणारा अक्षर पटेल 60 व्या षटकात टॉम हार्टलीच्या चेंडूवर पॅव्हेलियनमध्ये परतला. अक्षरने संयमी खेळी खेळत 84 चेंडूत 6 चौकारांच्या मदतीने 45 धावा केल्या.
मात्र यानंतर एकाही फलंदाजाला संघासाठी फार काही करता आले नाही. सातव्या क्रमांकावर फलंदाजीला आलेल्या केएस भरतला 28 चेंडूत केवळ 6 धावा करता आल्या. भारताने भरतच्या रूपाने 7वी विकेट गमावली. 65व्या षटकात भरत बाद झाला आणि त्यानंतर पुढच्या षटकात कुलदीप यादव खाते न उघडता पॅव्हेलियनमध्ये परतला. यानंतर जसप्रीत बुमराहही खाते न उघडता पॅव्हेलियनमध्ये परतला, मात्र त्याने क्रीजवर उभे राहून 26 चेंडूंचा सामना केला. त्यानंतर 2 चौकार आणि 1 षटकाराच्या मदतीने 28 धावा करून बाद झालेल्या आर अश्विनच्या रूपाने भारताने शेवटची विकेट गमावली.
शुभमन गिलचे इंग्लंडविरुद्ध दमदार शतक, टीकाकारांना चोख प्रत्युत्तर
