India vs South Africa : आज मैदानावर उतरताच ‘रो-को’ रचणार इतिहास; मोडणार सचिन-द्रविडचा मोठा विक्रम

India vs South Africa : दोन सामन्यांच्या कसोटी मालिकेनंतर आजपासून भारत आणि दक्षिण आफ्रिकेत तीन सामन्यांची एकदिवसीय मालिका सुरु होत असून या मालिकेचा पहिला सामना आज (30 नोव्हेंबर) दुपारी रांची मधील जेएससीए आंतरराष्ट्रीय स्टेडियमवर खेळला जाणार आहे. या सामन्यादरम्यान विराट कोहली आणि रोहित शर्माची जोडी आज इतिहास रचणार आहे.

भारतासाठी (India vs South Africa) सर्वाधिक सामने खेळण्याचा विक्रम आज विराट (Virat Kohli) आणि रोहितची (Rohit Sharma) जोडी आपल्या नावावर करणार आहे. विराट कोहली आणि रोहित शर्मा आज सचिन तेंडुलकर आणि राहुल द्रविडला मागे टाकणार आहे. सचिन तेंडुलकर (Sachin Tendulkar) आणि राहुल द्रविडने (Rahul Dravid) भारतासाठी एकत्र 391 सामने खेळले आहे तर विराट कोहली आणि रोहित शर्मा यांनीही भारतासाठी एकत्र तेवढेच सामने खेळले आहेत. त्यामुळे आज मैदानात उतरताच विराट आणि रोहितची जोडी नवा इतिहास रचणार आहे.

भारतासाठी एकत्र दोघेपण आज 392 वा सामना खेळणार आहे. रोहित शर्मा आणि विराट कोहली यांनी 18 ऑगस्ट 2008 रोजी भारतासाठी पहिला सामना एकत्र खेळला. तेव्हापासून त्यांनी खूप धावा केल्या आहेत आणि एकत्रितपणे भारतासाठी अनेक सामने जिंकले आहेत. आज, 30 नोव्हेंबर 2025 रोजी, ही जोडी भारतासाठी सर्वाधिक सामने खेळणारी जोडी बनेल.

Ashes 2025 : दुसऱ्या अ‍ॅशेस कसोटीपूर्वी इंग्लंडला मोठा धक्का, स्टार खेळाडू बाहेर ?

दक्षिण आफ्रिकेविरुद्धची ही मालिका रोहित शर्मा आणि विराट कोहली दोघांच्याही एकदिवसीय भविष्यासाठी महत्त्वाची ठरेल. या दोन्ही दिग्गजांनी 2027 च्या विश्वचषकाबद्दल संघ व्यवस्थापनाशी अद्याप चर्चा केलेली नाही. रोहित आणि कोहलीने कसोटी आणि टी20 मधून निवृत्ती घेतल्यानंतर, संघ व्यवस्थापनाने पुढील विश्वचषकाच्या योजनांमध्ये त्यांचा विचार केला नाही पण दोन्ही दिग्गजांनी दक्षिण आफ्रिकेविरुद्ध धावा केल्या तर संघ व्यवस्थापनाला कोहली आणि रोहितच्या नावांचा विचार करावा लागू शकतो अशी चर्चा बीसीसीआयमध्ये सुरु असल्याची माहिती समोर आली आहे.