NZ vs SA : टी20 विश्वचषक 2026 च्या सेमीफायनल सामन्यांची सुरुवात आजपासून सुरु होत आहे. आज होणाऱ्या पहिल्या सेमीफायनल सामन्यात दक्षिण आफ्रिका न्यूझीलंडशी भिडणार आहे. कोलकात्यातील ईडन गार्डन्सवर होणाऱ्या या सामन्यात कोण बाजी मारणार? याकडे आता सर्वांचे लक्ष लागून आहे.
दक्षिण आफ्रिकेने (South Africa vs New Zealand) सध्याच्या स्पर्धेत शानदार कामगिरी केली आहे. दोन सुपर ओव्हरमध्ये झालेल्या सामन्यात अफगाणिस्तानवर मिळवलेल्या विजयासह, दक्षिण आफ्रिकेने स्पर्धेत सलग सात विजय नोंदवले आहेत, ज्यामध्ये अहमदाबादमध्ये न्यूझीलंडवर देखील विजयाचा समावेश आहे. आफ्रिका या स्पर्धेत (T20 World Cup 2026) एकमेव अपराजित संघ आहेत.
तर दुसरीकडे न्यूझीलंडचा सुपर 8 मध्ये एक सामना पावसामुळे वाया गेला होता. त्यामुळे त्यांना सेमीफायनलमध्ये प्रवेश करण्यासाठी इंग्लंडविरुद्धच्या पराभवानंतर त्यांची पात्रता नेट रन रेटवर अवलंबून होती.
दक्षिण आफ्रिका विरुद्ध न्यूझीलंड टी20 विश्वचषक 2026 उपांत्य सामना भारतीय वेळेनुसार संध्याकाळी 7.00 वाजता सुरू होईल, दोन्ही कर्णधार अर्धा तास आधी, संध्याकाळी 6:30 वाजता टॉससाठी मैदानात उतरतील. तुम्ही हा सामना टीव्हीवर थेट पाहू शकता, स्टार स्पोर्ट्स नेटवर्कच्या विविध चॅनेलवर, हिंदी आणि इंग्रजीसह अनेक भाषांमध्ये.
न्यूझीलंड आणि दक्षिण आफ्रिका संघ पुढीलप्रमाणे
न्यूझीलंड संघ:
मिचेल सँटनर (कर्णधार), फिन अॅलन, टिम सेफर्ट, रचिन रवींद्र, डेव्हॉन कॉनवे, काइल जेमिसन, जेकब डफी, ग्लेन फिलिप्स, डॅरिल मिचेल, लॉकी फर्ग्युसन, मार्क चॅपमन, मॅट हेन्री, इश सोधी, लॉकी फर्ग्युसन, कोल मॅककॉन्ची, जेम्स नीशम.
इस्रायलकडून ब्रेनवॉश अन् इराणवर हल्ला; अमेरिकी परराष्ट्र मंत्र्यांकडून सर्वात मोठा खुलासा
दक्षिण आफ्रिका संघ:
एडेन मार्कराम (कर्णधार), क्विंटन डी कॉक, रायन रिकेल्टन, डेवाल्ड ब्रुइस, डेव्हिड मिलर, ट्रिस्टन स्टब्स, मार्को जॅन्सन, कॉर्बिन बॉश, कागिसो रबाडा, केशव महाराज, लुंगी एनगिडी, जॉर्ज लिंडे, क्वेना एमफाका, अँरिक नॉर्टजे, जेसन स्मिथ.