World Cup 2023 : टीम इंडियाने विश्वचषकमध्ये (World Cup 2023) विजयी मालिका सुरू ठेवत सलग 9 वा विजय मिळवला आहे. भारताने नेदरलँडचा 160 धावांनी पराभव केला आहे. डच संघासमोर 411 धावांचे लक्ष्य होते, परंतु संपूर्ण संघ 47.5 षटकात 250 धावांत गारद झाला. बेंगळुरूमध्ये खेळल्या गेलेल्या सामन्यात विराट कोहली आणि रोहित शर्मा यांनीही गोलंदाजी करताना विकेट घेतल्या. तत्पूर्वी टीम इंडियाचा कर्णधार रोहित शर्माने नाणेफेक जिंकून फलंदाजी करण्याचा निर्णय घेतला होता.
भारतीय संघाने 50 षटकांत 4 गडी गमावून 410 धावा केल्या होत्या. भारताकडून श्रेयस अय्यर आणि केएल राहुल यांनी शतके झळकावली. भारताच्या 410 धावांना प्रत्युत्तर देताना नेदरलँडचा संघ 47.5 षटकात 250 धावांवर ऑलआऊट झाला. नेदरलँडसाठी तेजा निदामनुरूने 39 चेंडूत सर्वाधिक 54 धावा केल्या. भारताकडून जसप्रीत बुमराह, मोहम्मद शमी, कुलदीप यादव आणि रवींद्र जडेजाने 2-2 विकेट घेतल्या. याशिवाय विराट कोहली आणि रोहित शर्माने प्रत्येकी 1 विकेट घेतली.
एम चिन्नास्वामी स्टेडियमवर खेळल्या गेलेल्या सामन्यात नाणेफेक जिंकून प्रथम फलंदाजी करण्याचा निर्णय घेतल्यानंतर टीम इंडियाने 50 षटकात 4 विकेट गमावत 410 धावा केल्या. संघाकडून श्रेयस अय्यरने नाबाद 128 धावांची खेळी केली. याशिवाय केएल राहुलने 102 धावा केल्या. याशिवाय शुभमन गिल, विराट कोहली आणि कर्णधार रोहित यांनीही अर्धशतके झळकावली.
world cup 2023 : रोहितने केली चाहत्यांची इच्छा पूर्ण; विराटने घेतली नऊ वर्षानंतर नववी विकेट
411 धावांच्या विशाल लक्ष्याचा पाठलाग करताना भारतीय वेगवान गोलंदाज मोहम्मद सिराजने नेदरलँड्सला चांगली सुरुवात करण्यापासून रोखले आणि दुसऱ्याच षटकात वेस्ली बॅरेसीला (04) बाद केले. मात्र, यानंतर कॉलिन अ‍ॅकरमन आणि मॅक्स ओ’डॉड यांनी डावाची धुरा सांभाळत दुसऱ्या विकेटसाठी 61 धावांची भागीदारी केली, कुलदीप यादवने 13व्या षटकात कॉलिन अ‍ॅकरमनला बाद करून फोडली. अकरमन 32 चेंडूत 35 धावा करून बाद झाला. त्यानंतर 16व्या षटकात जडेजाने 30 धावांच्या वैयक्तिक स्कोअरवर मॅक्स ओडॉडला पॅव्हेलियनमध्ये धाडले.
यानंतर 25व्या षटकात विराट कोहलीने 17 धावांवर बाद झालेल्या कर्णधार स्कॉट एडवर्डसला पॅव्हेलियनचा रस्ता दाखवला. त्यानंतर 32 व्या षटकात जसप्रीत बुमराहने त्याच्या सुंदर यॉर्करने बास डी लीडेला (12) बोल्ड केले. अशा प्रकारे नेदरलँड्सने 5 विकेट गमावल्या. त्यानंतर सिराजने अर्धशतकाकडे वाटचाल करणाऱ्या सायब्रँड एंजेलब्रेक्टला बाद करून भारताला सहावे यश मिळवून दिले. एंजेलब्रेक्टने 4 चौकारांच्या मदतीने 45 धावांची खेळी केली.
त्यानंतर 43व्या षटकात लंगा व्हॅन बीकने कुलदीप यादवला 16 धावांवर बाद केले, रोलोफ व्हॅन डर मर्वेने 44व्या षटकात जडेजाला बाद केले, आर्यन दत्तने 47व्या षटकात जसप्रीत बुमराहला बाद केले आणि निदामनुरु टिलेला भारतीय कर्णधार रोहित शर्माने बाद केले. निदामनुरूने 1 चौकार आणि 6 षटकारांच्या मदतीने 54 धावांची खेळी खेळली.
