Aaradhya Bachchan: आराध्या बच्चनने 16 नोव्हेंबरला तिचा 12 वा वाढदिवस साजरा केला. (Aaradhya Bachchan Birthday) यावेळी ऐश्वर्या राय बच्चन (Aishwarya Rai Bachchan ) आणि अभिषेक बच्चन (Abhishek Bachchan) यांनी त्यांच्या लाडक्या लेकीला खास शुभेच्छा दिल्या आहेत. दोघांनी आराध्याचा फोटो शेअर केला आणि तिच्यासाठी प्रेमाने भरलेली खास पोस्ट लिहिली आहे.
ऐश्वर्या आणि अभिषेकचे 20 एप्रिल 2007 रोजी लग्न झाले होते. लग्नाच्या 4 वर्षानंतर 16 नोव्हेंबर 2011 रोजी ऐश्वर्याने मुलगी आराध्याला जन्म दिला. अभिषेक बच्चनने त्याच्या इंस्टाग्रामवर एक फोटो शेअर केला आहे, यामध्ये तो लहान आराध्याला आपल्या मांडीवर घेतलेला दिसत आहे. या फोटोसोबत त्याने कॅप्शनमध्ये लिहिले आहे- हॅपी बर्थडे माझी छोटी राजकुमारी. मी तुझ्यावर सर्वात जास्त प्रेम करतो.
अथिया शेट्टी, फरदीन खान, सुनील शेट्टी आणि सोनू सूद यांसारख्या सेलिब्रिटींनी या पोस्टवर प्रतिक्रिया दिली आहे आणि आराध्याला शुभेच्छाही दिल्या आहेत.
ऐश्वर्याने तिच्या इंस्टाग्रामवर आराध्यासोबतचा एक फोटो शेअर केला आहे. या फोटोसोबत तिने कॅप्शनमध्ये लिहिले आहे- मी तुझ्यावर सर्वात जास्त प्रेम करते. माझी गोड देवदूत आराध्या, मी तुझ्यावर कायम प्रेम करते. तू माझ्या आयुष्यातील खरे प्रेम आहेस. तू माझ्यासाठी श्वास आहेस. तुमचा 12वा वाढदिवस सर्वात चांगला जावो. देव तुम्हाला सदैव आनंदी ठेवो, अशी खास पोस्ट यावेळी अभिनेत्रीने केली आहे.
ऐश्वर्या आणि अभिषेकची प्रेमकहाणी
ऐश्वर्या आणि अभिषेक पूर्वीपासून मित्र होते. ‘ढाई अक्षर प्रेम के’, ‘कुछ ना कहो’ यांसारख्या चित्रपटात त्यांनी एकत्र काम केले. यानंतर ते धूम 2 आणि गुरु या चित्रपटात एकत्र दिसले. या 2 चित्रपटांच्या शूटिंगदरम्यान दोघेही एकमेकांना डेट करू लागले होते.
‘मी सेल्फी घेण्यास गेलो, पण… नाना पाटेकरांनी डोक्यात मारलेल्या तरुणाची पहिली प्रतिक्रिया
गुरू या चित्रपटाच्या प्रीमियरसाठी न्यूयॉर्कला गेल्यावर अभिषेकने ऐश्वर्याला प्रपोज केले होते. या दिवसाबद्दल, काही वर्षांपूर्वी प्रसिद्ध अमेरिकन टीव्ही अँकर ओप्रा विन्फ्रेच्या शोमध्ये, अभिषेकने सांगितले होते की तो एकदा एका चित्रपटाच्या शूटिंगसाठी न्यूयॉर्कमध्ये होता. त्यानंतर हॉटेल रूमच्या बाल्कनीत उभे राहून त्यांनी ऐश्वर्यासोबत लग्नाची प्रार्थना केली.
एक वर्षानंतर टोरंटोमधील ‘गुरू’च्या प्रीमियममधून परतल्यानंतर त्याने न्यूयॉर्कमधील त्याच हॉटेलच्या बाल्कनीत ऐश्वर्याला प्रपोज केले. हा चित्रपट प्रदर्शित झाल्यानंतर अवघ्या दोनच दिवसांत अभिषेक-ऐश्वर्याचे एंगेजमेंट झाले. त्यानंतर 20 एप्रिल 2007 रोजी त्यांचे लग्न झाले होते.