Aditya Rawal : हिंदी चित्रपटसृष्टीतील उदयोन्मुख आणि प्रतिभावान अभिनेता आदित्य रावल हे नेहमीच सोप्या व वरवरच्या भूमिका टाळून आव्हानात्मक भूमिका निवडण्यासाठी ओळखले जातात. प्राइम व्हिडिओवरील आगामी वेब सीरिज दलदल मध्ये त्यांच्या याच विचारांची खरी कसोटी लागली आहे. या मानसशास्त्रीय क्राइम थ्रिलरमध्ये आदित्य साजिद ही भूमिका साकारताना दिसणार आहेत. एक असा माणूस जो व्यसन आणि विनाशाच्या गर्तेत अडकलेला आहे, आणि ज्याच्या आजूबाजूला घडणाऱ्या हिंसक घटना अनेक प्रश्न निर्माण करतात. ‘दलदल’ च्या प्रदर्शनाआधी आदित्य यांनी त्यांच्या आतापर्यंतच्या कारकिर्दीतील सर्वात कठीण भूमिकांपैकी एक स्वीकारताना आलेली द्विधा मनःस्थिती आणि अनुभव शेअर केला.
आदित्य रावल म्हणाले की, सुरुवातीला वाटलेली हिचकिच हीच या भूमिकेचे योग्य असणे दर्शवणारी सर्वात मोठी खूण ठरली. ते म्हणाले, खरं सांगायचं तर सुरुवातीला थोडी हिचकिच होती. दलदल खूप डार्क आहे, अस्वस्थ करणारी आहे आणि भावनिकदृष्ट्या खूपच आव्हानात्मक आहे. मला सुरुवातीला वाटलं नव्हतं की मी इतक्या खोलवर जाण्यासाठी तयार आहे. पण जेव्हा अमृतने मला ही कथा सांगितली, तेव्हा ती माझ्या मनात रुतून बसली. घरी गेल्यावरही मी तेच विचार करत राहिलो की अशा संधी वारंवार मिळत नाहीत. जिथे एखादं पात्र तुम्हाला घाबरवतं आणि तुम्हाला जगाच्या त्या पैलूंना समजून घ्यायला भाग पाडतं, जे तुम्ही याआधी कधी पाहिले नसतील.
ही आतापर्यंतची माझी सर्वात कठीण भूमिका होती, पण त्याच वेळी सर्वात समाधानकारकही. मला स्क्रिप्ट खूप आवडली, दिग्दर्शकावर पूर्ण विश्वास होता आणि मला वाटलं की ही भूमिका मला व्यसन, कमजोरी आणि मानवी नाजूकपणाबद्दल काहीतरी नवीन शिकवेल. तेव्हा निर्णय सोपा झाला मला चांगल्या लोकांसोबत चांगलं काम करायचं होतं आणि बाकी सगळ्या गोष्टी आपोआप योग्य ठिकाणी बसू द्यायच्या होत्या. त्याच भावनेने मला दलदल पर्यंत आणलं आणि मला आनंद आहे की मी त्या भावनेवर विश्वास ठेवला.
विश धामीजा यांच्या भेंडी बाजार या पुस्तकावर आधारित दलदलचे दिग्दर्शन अमृत राज गुप्ता यांनी केले आहे, तर या सीरिजची निर्मिती विक्रम मल्होत्रा आणि सुरेश त्रिवेणी यांनी अबंडन्टिया एंटरटेनमेंट (Abundantia Entertainment) या बॅनरखाली केली आहे. या सीरिजमध्ये भूमी साटिश पेडणेकर मुंबई क्राइम ब्रँचच्या नव्या डीसीपीच्या भूमिकेत दिसणार आहेत, तर आदित्य रावल आणि समारा तिजोरी महत्त्वाच्या भूमिकांमध्ये आहेत. दलदल 30 जानेवारीपासून प्राइम व्हिडिओवर भारतासह जगभरातील 240 हून अधिक देश आणि प्रदेशांमध्ये एक्सक्लुझिव्ह स्वरूपात स्ट्रीम होणार आहे.
अजितदादांच्या खुर्चीवर सुनेत्रा वहिनी बसणार? नरहरी झिरवाळ यांच्या मागणीने राजकीय चर्चांना उधान