Alia Bhatt on Pushpa 2 Teaser: साऊथचा सुपरस्टार अल्लू अर्जुनने (Allu Arjun) 8 एप्रिलला त्याच्या वाढदिवसानिमित्त त्याच्या चाहत्यांना पुष्पा 2 च्या टीझरच्या रूपाने एक मोठी भेट दिली आहे. टीझर समोर येण्यापूर्वीच सोशल मीडियावर (social media) याबाबत जोरदार चर्चा रंगली होती. काल 11:07 मिनिटांनी चित्रपटाचा टीझर येताच लोकांनी जल्लोष करायला सुरुवात केली. काही तासांतच या टीझरला लाखो व्ह्यूज मिळाले. ‘पुष्पा 2’ च्या टीझरची केवळ चाहतेच नाही तर बॉलिवूड स्टार्सही वाट पाहत होते. टीझर येताच अभिनेत्री आलिया भट्टनेही (Alia Bhatt) तो पाहून भन्नाट प्रतिक्रिया दिली.
आलिया भट्टने तिच्या इंस्टाग्रामवर अल्लू अर्जुनची पोस्ट पुन्हा पोस्ट केली आणि त्याला वाढदिवसाच्या शुभेच्छा दिल्या. तिने ‘पुष्पा 2’ च्या टीझरचेही खूप तोंडभरून कौतुक केले. आलियाने पोस्ट करत लिहिले आहे की, “अल्लू अर्जुनला वाढदिवसाच्या शुभेच्छा. किती छान टीझर आहे.
टीझर सुपरहिट झाला होता
मैत्री मुव्ही मेकर्सच्या यूट्यूब चॅनलवर आतापर्यंत ‘पुष्पा 2’चा टीझर 3 कोटी 71 लाखांहून अधिक वेळा पाहिला गेला आहे. आताही त्याची विव्हर्स सतत वाढत आहेत. एवढेच नाही तर टीझरला 11 लाखांहून अधिक लाईक्स मिळाले आहेत. शिवाय एकट्या यूट्यूबवर या टीझरवर 42 हजारांहून अधिक कमेंट्स आल्या आहेत.
Sai Tamhankar : गुढी पाडव्याच्या मुहूर्तावर सईची स्वप्नपूर्ती! घरी आला नवा मेंबर…
काय आहे टीझरमध्ये?
‘पुष्पा 2’ चा टीझर सुमारे एक मिनिट 8 सेकंदांचा आहे. टीझरची खास गोष्ट म्हणजे यात एकही संवाद नाही. मात्र, अल्लू अर्जुनची ज्या पद्धतीने ओळख झाली आहे, त्यामुळे पुष्पा 2 ची वाट पाहणाऱ्या चाहत्यांची उत्सुकता आणखीनच वाढणार आहे. अल्लू अर्जुन जत्रेदरम्यान साडीत दंग झाला होता. शिवाय त्याचा ॲक्शन अवतारही चाहत्यांना खूप आवडला आहे.
‘पुष्पा: द रुल’ हा 2021 मध्ये रिलीज झालेला ‘पुष्पा द राइज’चा सिक्वेल आहे. त्याचा पहिला भाग खूप आवडला होता. अल्लू अर्जुनला या चित्रपटातील उत्कृष्ट अभिनयासाठी सर्वोत्कृष्ट अभिनेत्याचा राष्ट्रीय पुरस्कारही मिळाला होता. या चित्रपटाचे दिग्दर्शन सुकुमार यांनी केले असून रश्मिका मंदान्ना आणि फहद फासिल सारखे कलाकारही यात दिसणार आहेत.
