Ritiesh Deshmukh On Bigg Boss Marathi Season 5: ‘बिग बॉस मराठी’चा लयभारी खेळ काही दिवसांपासून प्रेक्षकांचं चांगलच मनोरंजन करत आहे. (Bigg Boss Marathi Season 5) ‘बिग बॉस मराठी’च्या घरातील सदस्य आणि प्रेक्षक (Bigg Boss Marathi ) यांच्यामधील दुवा हिंदी-मराठी मनोरंजनसृष्टी गाजवणारा सुपरस्टार रितेश देशमुख (Ritiesh Deshmukh ) आहे. रितेश भाऊ आपल्या स्टाईलने हा खेळ रंगवत आहे. ‘भाऊच्या धक्क्या’वरील त्याच्या सादरीकरणाचं जगभरात भरभरून कौतुक होत आहे. पण या वीकेंडला मात्र व्यस्त चित्रीकरणामुळे त्याला ‘भाऊचा धक्का’ करता (Bhaucha Dhakka ) आला नाही. त्यामुळे रितेश भाऊची आठवण काढत हा भाऊचा धक्का पार पडला.
‘शो मस्ट गो ऑन’ म्हणत ‘बिग बॉस मराठी’च्या घरातला कल्ला सुरू राहिला. शनिवारी पार पडलेल्या ‘महाराष्ट्राचा धक्का’ला महाराष्ट्रातील पत्रकारांनी तर रविवारी ‘नवरा माझा नवसाचा 2’ या चित्रपटातील कलाकार म्हणजेच सुप्रिया पिळगांवकर, स्वप्निल जोशी आणि अभिनयसम्राट अशोक सराफ (Ashok Saraf) यांनी हजेरी लावली. ‘बिग बॉस मराठी’च्या घरात गेलेल्या या सर्वच कलाकारांना रितेशची खूप आठवण आली.
रितेशने ‘भाऊचा धक्का’ एका वेगळ्या उंचीवर नेला आहे. दिवसेंदिवस तो हा ‘भाऊचा धक्का’ चांगलाच गाजवत आहे. रेकॉर्ड्स ब्रेक करण्यासह महाराष्ट्रातील घराघरांतील प्रेक्षकांच्या मनात आपलं स्थान निर्माण करण्यात रितेश भाऊ यशस्वी झाला आहे. ‘बिग बॉस मराठी’ला त्याने नव्या ढंगात, नव्या रुपात प्रेक्षकांपर्यंत पोहोचवलं आहे. रितेशमुळे यंदाचा सीझन खूप हटके ठरतोय. सीझनला अधिक टवटवीत आणि तरुण करण्यात त्याचा महत्त्वाचा हातभार लागत आहे. परिस्थितीनुसार रितेश भाऊ कधी कोणत्या सदस्याचा मित्र होतो तर कधी कोणाचा गुरू, कोणासोबत ग्रॅण्ड मस्ती करतो तर कोणासोबत लय भारी दोस्ती. कोणाचं काही चुकलं तर त्यांची शाळाही घेतो तर कोणाची पाठही थोपटतो, कधी शाबासकीही देतो. रितेश भाऊच्या या अनोख्या अंदाजाचं ‘बिग बॉस’ प्रेमी प्रशंसा करताना दिसून येत आहेत.
Bigg Boss Marathi: अरबाजच्या एक्झिटमुळे निक्कीचा झाला आहे इमोशनल ब्रेकडाऊन
घरातील कामांवरुन निक्की विरुद्ध घर
‘बिग बॉस मराठी’च्या आजच्या भागात पॅडी म्हणतोय,”ठरलंय ना ती तिचं तिचं काम करणार. जेवण पण ती तिचं तिचं बनवेल”. त्यावर निक्की म्हणते,”हे तुम्ही ठरवलं आहे… तिने नाही ठरवलं. तिचं मत वेगळं आहे.. तुमचं मत वेगळं आहे”. त्यावर डीपी दादा म्हणतात,”आपल्या घरात एक व्यक्ती असते जी कमवत नसते फक्त खात असते. त्याला रात्री कधी रडताना पाहिलं आहे का?”. ‘बिग बॉस मराठी’च्या आजच्या भागात जान्हवी, अंकिता आणि सूरज एकमेकांसोबत चर्चा करताना दिसणार आहेत. जान्हवी सूरज आणि अंकिताला विचारतेय,”तुमची काल चर्चा झाली का जान्हवीसोबत जे असतात ते बाहेर जातात.. ती अनलकी आहे”. त्यावर पॅडी दादा म्हणतात,”अरबाज आम्हाला येऊन असं सांगत होता. वैभव तुझ्यासोबत होता तो बाहेर गेला, आर्या, संग्राम तुझ्यासोबत होते ते बाहेर गेले”.
