Sai Tamhankar Hindi projects in 2024 : अभिनेत्री सई ताम्हणकर (Sai Tamhankar) वर्ष संपत आलं तरी अजूनही अनेक प्रोजेक्ट्समध्ये व्यस्त आहेत. त्यांनी 2024 मध्ये सईने अनेक बॉलीवूड प्रोजेक्ट्समध्ये काम करून प्रेक्षकांचं मनोरंजन केलंय. तिने अनेक वेगवेगळ्या आणि आव्हानात्मक भूमिका साकारल्या आहेत. सईने 2024 हे वर्ष खास करून प्रेक्षकांच्या मनावर अधिराज्य गाजवलं (Bollywood Movie) आहे.
थर्टी फर्स्टला तळीरामांची चांदी! पहाटेपर्यंत मिळणार दारू; आदेश नेमका काय?
मराठी सोबतीने बॉलीवूडने देखील सईच्या अभिनयाची जादू यंदा पाहिली. 2024 वर्षाची सुरुवात सईने “श्री देवी प्रसन्न” चित्रपटाने केली. तर वर्षाचा शेवट सईने धगधगत्या “अग्नी” ने केलीय. भक्षक, अग्नी हे दोन हिंदी चित्रपट प्रेक्षकांना विशेष आवडले. सईच्या या चित्रपटांचं (Hindi Movie) कौतुक देखील तितकंच झालंय. सोबतीला “मानवत मर्डर्स” सारखी वेब सीरिज आणि सईचा कधीही न पाहिलेला लूक यातून प्रेक्षकांना अनुभवता आलाय.
सईने 2024 वर्षात कमालीच्या भूमिका साकारत अख्ख्या बॉलिवुडला भुरळ घातली. बॉलिवुडमध्ये सईच्या कामाचा चांगलाच बोलबाला झाला. अग्नी असो किंवा भक्षक सईने बॉलिवूडमध्ये स्वतःची वेगळी आणि हक्काची जागा निर्माण केलीय. येणाऱ्या वर्षात देखील सई अनेक बड्या बॉलिवुड प्रोजेक्ट्सचा महत्त्वपूर्ण भाग होणार आहे. सई 2024 मध्ये मोस्ट बॅंकेबल स्टार ठरली आहे. हे तिने तिच्या कमामधून सिद्ध केलं आहे.
मंत्रिमंडळातून पत्ता कट होताच माजी शिक्षणमंत्री केसरकरांनी घेतलेले निर्णय बदलण्याचा डाव
वर्षभरात सईने केलेले सगळेच प्रोजेक्ट्स चर्चेत राहिले, याचं कारण देखील खूप खास आहे. तिने वैविध्यपूर्ण विषयांवर आधारित सईने भूमिका केल्या. सोबतच तिने वेगवेगळ्या भाषांमध्ये काम केलंय. यामुळेच सई तिच्या रोजच्या भूमिकांपेक्षा वेगळी दिसली. सईच्या कामातून वेगळ्या धाटणीच्या भूमिका प्रेक्षकांनी बघितल्या आहेत. या भूमिकांना प्रेक्षकांनी भरभरून प्रेम देखील दिलंय.
वर्षभरात सईने अनेक प्रोजेक्ट्सची घोषणा केली, यामध्ये मुख्यपणे बॉलिवूड प्रोजेक्ट्सचा बोलबाला झाला. सई येणाऱ्या काळात ” डब्बा कार्टेल, मटका किंग ” या बॉलिवूड प्रोजेक्ट्समध्ये दिसणार आहेत. तर मराठीमध्ये “गुलकंद, बोल बोल राणी” या चित्रपटात ती मुख्य भूमिका साकारताना दिसत आहे. वर्ष संपलं तरी सईचं काम चांगलंच जोमात सुरू आहे. येणाऱ्या वर्षामध्ये सई अजून कोणत्या भूमिका साकारणार, याकडे साऱ्यांचंच लक्ष लागलेलं आहे.
