Chhaava Movie : ‘छावा’ सिनेमा सध्या चांगलाच (Chhaava Movie) चर्चेत आहे आणि नुकताच मोठ्या दिमाखात या सिनेमाचा ट्रेलर लाँच सोहळा संपन्न झाला. ट्रेलरने प्रेक्षकांचं मन तर जिंकून घेतलं. या चित्रपटाचं आणखी खास वैशिष्ट्य म्हणजे अनेक मराठी कलाकार यात भूमिका साकारत आहेत. मराठी अभिनेता सुव्रत जोशी देखील (Suvrat Joshi) या सिनेमात दिसणार आहे. अर्थात त्याच्याही अभिनयाची उत्सुकता प्रेक्षकांना राहणार आहे.
याबद्दल बोलताना सुव्रत सांगतो ” छत्रपती संभाजी महाराज यांचं कार्य जगभरात माहिती व्हायला हवं. त्यांचा इतिहास हा लोकांना फारसा माहिती नाही आणि त्यांचा कार्याची महती प्रेक्षकांना व्हावी म्हणून दिग्दर्शक लक्ष्मण उतेकर यांनी चित्रपट करायचा ठरवला. मी या चित्रपटाचा एक भाग आहे ही गोष्ट माझ्यासाठी खूप आनंद देणारी आहे. महाराजांच्या काळातल्या ऐतहासिक चित्रपटात मला काम करण्याची इच्छा होती आणि ही इच्छा या चित्रपटाच्या निमित्ताने पूर्ण होत आहे.
उतेकर यांची काम करण्याची पद्धत कमालीची आहे. हिंदीत मराठीत त्यांनी आजवर जे काम केलं ते उत्कृष्ट आहे. त्यांच्या सोबतीने काम करून अनेक गोष्टी शिकता आल्या. विकी कौशल हा कमालीचा अभिनेता आहे. त्याने प्रचंड मेहनत करून ही भूमिका साकारली आहे. या चित्रपटात कौशल यांच्या सोबतीने काम तर केलं पण अभिनेता म्हणून अनेक गोष्टी शिकायला मिळाल्या. चित्रपट करताना प्रत्येक प्रसंग साकारण्यासाठी आम्ही सगळेच सराव करायचो. प्रत्येक कलाकार त्याच्या सह कलाकाराच्या मदतीसाठी तयार राहायचा.
‘शिवरायांचा छावा’ चित्रपटात तगडी स्टारकास्ट; रवी काळे साकारणार ‘बहिर्जी नाईक’ यांची भूमिका
मेकअप, कॉस्ट्यूम, आर्ट सगळ्या टीमने अहोरात्र मेहनत करून चित्रपट तयार केला आहे. रायगडचा देखावा एकदा उभारण्यात आला होता तेव्हा तिथे फक्त ऐतिहासिक वेशभूषेतील कलाकार होते. तेव्हा असं वाटलं की आपण खरोखर हा सगळा काळ जगतोय अनुभवतोय. चित्रपटातील प्रत्येक कलाकाराने खूप उत्तम काम केलं आणि फक्त भारतात नाही तर जगभरात हा चित्रपट पाहावा अशी माझी इच्छा आहे.
आता सुव्रत ” छावा ” सिनेमात नक्की काय भूमिका साकारणार हे बघण उत्कंठावर्धक ठरणार आहे. सोबतीला सुव्रत त्याचं बहुचर्चित नाटक “वरवरचे वधू वर” करण्यात व्यस्त आहे. 2025 मध्ये सुव्रत अनेक प्रोजेक्ट्समध्ये देखील दिसणार आहे.
Chhava: छत्रपती शिवाजी महाराज को शेर कहते है और.. विकीच्या ‘छावा’चा जबरदस्त टीझर प्रदर्शित
