Rashmika Mandanna : प्रसिद्ध बॉलिवूड अभिनेत्री रश्मिका मंदान्ना (Rashmika Mandanna) हिच्या डीपफेक व्हिडिओप्रकरणी (Deepfake video) आंध्र प्रदेशातील एका अभियंत्याला अटक करण्यात आली आहे. दिल्ली पोलिसांच्या IFSO सायबर सेल युनिटने (Cybercrime) आरोपीला अटक करून दिल्लीत आणले आहे. त्याचे फॉलोअर्स वाढवण्यासाठी त्याने डीपफेक व्हिडिओ बनवल्याचे चौकशीदरम्यान सांगितले. आरोपींकडून तीन मोबाईल आणि लॅपटॉप जप्त करण्यात आले आहेत. ई. नवीन असे आरोपीचे नाव आहे.
बॉलीवूड अभिनेत्री रश्मिका मंदान्नाचा डीपफेक व्हिडिओ समोर आल्यापासून संपूर्ण देश त्या नवीन तंत्रज्ञानाने थक्क झाला होता. ज्या हुशारीने चेहरे बदलले गेले आणि ज्या पद्धतीने चुकीचा व्हिडिओ व्हायरल केला गेला, ते पाहून सर्वांनाच चिंता वाटू लागली आहे. आता पोलिसांनी आरोपीला आंध्र प्रदेशातून अटक केली आहे. त्या आरोपीने पोलिस कबुलीजबाबातही अनेक मोठे खुलासे केले आहेत.
या प्रकरणाचा तपास करण्यासाठी पोलिसांचे पथक देशातील विविध राज्यात गेले आणि सुमारे 500 जणांची चौकशी करण्यात आली. पोलिसांना सापडलेल्या पहिल्या सोशल मीडिया अकाउंटने डीपफेक व्हिडिओ हटवला होता. मेटाने या प्रकरणात पोलिसांना खूप मदत केली आणि हटविलेल्या खात्यांचा डेटा पुनर्प्राप्त करण्यासाठी 2-3 आठवडे लागले आणि शेवटी ई. नवीनला आंध्र प्रदेशातून अटक करण्यात आली.
IND Vs ENG: टीम इंडियाला मोठा धक्का, मॅच विनर गोलंदाज कसोटी मालिकेतून बाहेर
दिल्ली पोलिसांनी आंध्र प्रदेशातील गुंटूर येथून ई नवीन नावाच्या व्यक्तीला अटक केली होती. पोलिसांनी प्रथम अनेक सोशल मीडिया अकाऊंटचा शोध घेतला. पोलिसांनी दिलेल्या माहितीनुसार, या तपासादरम्यान 500 हून अधिक सोशल मीडिया अकाउंटचा शोध घेण्यात आला. त्यानंतर पोलीस आरोपींपर्यंत पोहोचले. तपासात असे दिसून आले की पहिल्यांदाच एका भारतीय मुलीने 9 ऑक्टोबर रोजी इंस्टाग्रामवर स्वतःचा एक व्हिडिओ अपलोड केला होता, त्यानंतर तिचा चेहरा सुपरइम्पोज करून रश्मिका मंदान्नाचा डीपफेक व्हिडिओ बनविला गेला आणि तो व्हिडिओ वेगवेगळ्या सोशल मीडिया अकाउंटवर व्हायरल झाला.
सिद्धार्थ आनंदच्या Fighter साठी काऊंटडाऊन सुरू! चाहत्यांची उत्सुकता शिगेला
आधी त्या पेजचे जवळपास 90 हजार फॉलोअर्स होते, पण नंतर हा आकडा वाढून 1 लाखाहून अधिक झाला. म्हणजे एका डीपफेक व्हिडीओने आरोपीला इतके चर्चेत आणले होते. मात्र नंतर भीतीपोटी आरोपीने तो व्हिडिओ डिलीट केला. मात्र आता पोलिसांनी त्याला अटक केल्याने अनेक मोठे खुलासे समोर आले आहेत.
