झी स्टुडिओज आणि रिंकू राजगुरू पुन्हा एकत्र; ‘जिजाई’ चित्रपटाचा मुहूर्त सोहळा संपन्न

Rinku Rajguru In New film Jijai : झी स्टुडिओज आणि रिंकू राजगुरू (Rinku Rajguru) पुन्हा एकत्र आले आहेत. ‘जिजाई’ चित्रपटाचा मुहूर्त सोहळा संपन्न झालाय. झी स्टुडिओज आणि कोकोनट फिल्म्स निर्मित ‘जिजाई’ हा बहुप्रतीक्षित चित्रपट लवकरच प्रेक्षकांसमोर येणार आहे. नुकत्याच संपन्न झालेल्या चित्रपटाच्या मुहूर्त सोहळ्याने ‘जिजाई’बद्दल प्रेक्षकांमध्ये (Marathi Movie) उत्सुकता निर्माण केली आहे. नुकताच जिजाई चित्रपटाच्या मुहूर्त सोहळ्याचा फोटो सोशल मीडियावर पोस्ट करण्यात आला असून नवोदित दिग्दर्शक तृशांत इंगळे दिग्दर्शित या चित्रपटात ‘सैराट फेम’ रिंकू राजगुरू प्रमुख भूमिकेत दिसणार आहे. तर अपूर्वा शाळीग्राम या चित्रपटाच्या डीओपी आहेत.

शरद पवारांचा मोहरा ‘तुतारी’ खाली ठेवणार; वारं फिरताच पवारांना पहिला धक्का

कपाळी चंद्रकोर लावलेली रिंकू या चित्रपटात एका वेगळ्याच अंदाजात दिसणार आहे. ‘सैराट’च्या यशानंतर रिंकू राजगुरू आणि झी स्टुडिओज यांच्यात एक वेगळं नातं निर्माण झालं आहे. आता या जोडीने पुन्हा एकदा ‘जिजाई’च्या माध्यमातून प्रेक्षकांच्या मनावर अधिराज्य गाजवण्याचा निर्धार केला असून हा नवीन चित्रपट लवकरच प्रकारांच्या भेटीला येणार आहे. हा चित्रपट कधी प्रदर्शित होणार, याची आता प्रेक्षक आतुरतेने वाट पाहात आहेत.

महाराष्ट्र नवनिर्माण सेनेतील अंतर्गत वाद चव्हाट्यावर; अविनाश जाधवांसह १५ ते २० जणांवर आरोप

झी स्टुडिओजचे बवेश जानवलेकर म्हणतात, ‘’झी स्टुडिओजने नेहमीप्रमाणे नवोदितकलाकारांना आणि दिग्दर्शकांना व्यासपीठ उपलब्ध करून देऊ असते. झी स्टुडिओजने प्रेक्षकांसाठी कायमच दर्जेदार आणि वेगळ्या आशयाचे चित्रपट सादर केले आहेत. ‘जिजाई’ हा त्याच परंपरेचा भाग आहे.’’ आता रिंकु एका नवीन चित्रपटातून प्रेक्षकांच्या भेटीला येत आहे. ‘जिजाई’ असं या चित्रपटाचं नाव असून नुकताच त्याचा मुहुर्त सोहळा संपन्न झालाय. मागील काही दिवसांपासून या चित्रपटाची चर्चा सुरू आहे.

जिजाई’ चित्रपटाच्या शूटिंगला आता लवकरच सुरुवात होणार असून नुकताच चित्रपटाच्या मुहूर्ताचा कार्यक्रम पार पडला. झी स्टुडिओज आणि कोकोनट फिल्म्स यांनी सोशल मीडियावर यासंदर्भात पोस्ट शेअर केलीय. या पोस्टमध्ये रिंकू राजगुरू हातात जिजाई चित्रपटाच्या मुहूर्ताची पाटी हातात घेऊन उभी असलेली दिसत आहे. हा फोटो शेअर करत झी स्टुडिओजने कॅप्शनमध्ये लिहिलंय की, “शुभारंभ झाला, आता आपला आशीर्वाद असू द्या! रिंकुने देखील ही पोस्ट तिच्या अकाउंटवर शेअर केली आहे.