शाहिद-क्रितीचा ‘तेरी बातों में ऐसा उल्झा जिया’ ओटीटीवर, कधी आणि कुठे होणार रिलीज?

Teri Baaton Main Aisa Uljha Jiya OTT Release : बॉलीवूड (Bollywood) अभिनेता शाहिद कपूर (Shahid Kapoor) आणि क्रिती सेनॉनचा (Kriti Sanon) चित्रपट ‘तेरी बातों में ऐसा उल्झा जिया’ (Teri Baaton Main Aisa Uljha Jiya ) काही दिवसांपूर्वीच चित्रपटगृहांमध्ये प्रदर्शित झाला आहे. या चित्रपटाला प्रेक्षकांचे भरभरून प्रेम मिळाले. चित्रपटाची कथा काही वेगळी होती जी खूप आवडली होती. (OTT) शाहिद आणि क्रितीचा हा रोमँटिक चित्रपट आता ओटीटीवर प्रदर्शित होत आहे. तर हा चित्रपट कधी आणि कुठे बघायला मिळणार आहे?

थिएटरनंतर शाहिद-क्रितीचा चित्रपट आता ओटीटीवर

शाहिद कपूर आणि क्रिती सेनॉन यांचा चित्रपट ‘तेरी बातों में ऐसा उल्झा जिया’ 9 फेब्रुवारी रोजी चित्रपटगृहात प्रदर्शित झाला. या चित्रपटाच्या अनोख्या प्रेमकथेने प्रेक्षकांची मने जिंकली. या चित्रपटाने चांगली कमाई केली होती. चित्रपटासोबतच शाहिद-क्रितीची केमिस्ट्री आणि चित्रपटातील गाणीही खूप आवडली होती. आता जर कोणाला हा चित्रपट थिएटरमध्ये चुकला असेल तर त्यांच्यासाठी तो OTT वर प्रदर्शित होत आहे.

‘तेरी बातों में ऐसा उल्झा जिया’ प्राइम व्हिडिओवर प्रसारित

रिलीजच्या 2 महिन्यांनंतर हा चित्रपट ओटीटीला धडकणार आहे. हा चित्रपट OTT प्लॅटफॉर्म ऍमेझॉन प्राइम व्हिडिओवर स्ट्रीम केला जाणार आहे. प्राइम व्हिडिओने आपल्या इंस्टाग्रामवर चित्रपटाचे पोस्टर शेअर करून याची घोषणा केली आहे. हा चित्रपट प्राइम व्हिडिओवर प्रदर्शित झाला आहे. आता तुम्हाला हवे तेव्हा घरी बसून बघता येणार आहे. हा चित्रपट 4 एप्रिल रोजी प्राइम व्हिडिओवर प्रसारित झाला आहे.

काय आहे चित्रपटाची कथा?

चित्रपटाच्या कथेबद्दल सांगायचे तर, क्रिती सेननने यात रोबोटची भूमिका साकारली आहे. या चित्रपटात शाहिद क्रितीच्या प्रेमात पडतो. ही रोबो आणि माणसाची प्रेमकथा आहे. या चित्रपटाला बॉक्स ऑफिसवर चांगला प्रतिसाद मिळाला. या चित्रपटात शाहिद-क्रितीशिवाय डिंपल कपाडिया, धर्मेंद्र यांसारखे स्टार्स दिसले आहेत.

Mylek Exclusive: ‘करिअरसाठी धक्का देण्याचं काम आईने केलं’; अभिनेत्रीने स्पष्टच सांगितलं, म्हणाली…

शाहिद-क्रितीचा वर्कफ्रंट

या चित्रपटानंतर क्रिती सेननचा आणखी एक चित्रपट ‘क्रू’ प्रदर्शित झाला आहे. हा चित्रपट बॉक्स ऑफिसवर धुमाकूळ घालत आहे. शाहिदबद्दल सांगायचे तर, अभिनेता सध्या त्याच्या आगामी ‘देवा’ या चित्रपटाच्या शूटिंगमध्ये व्यस्त आहे. हा चित्रपटही या वर्षाच्या अखेरीस प्रदर्शित होऊ शकणार आहे.