Shahid Kapoor : शाहिद कपूर साकारणार छत्रपती शिवाजी महाराजांची भूमिका?

Shahid Kapoor Chhatrapati Shivaji Maharaj: अभिनेता शाहिद कपूर (Shahid Kapoor) सध्या करिअरच्या शिखरावर आहे. कबीर सिंगसारखे (Kabir Singh) ब्लॉकबस्टर चित्रपट देणारा शाहिद सध्या त्याच्या आगामी चित्रपट जर्सीमुळे जोरदार चर्चेत आहे. (Marathi Movie) दरम्यान, आता बातमी येत आहे की, अभिनेता पुन्हा एकदा काहीतरी वेगळे आणि खूप मोठे काम करणार आहे. तीन वर्षांनंतर तो पुन्हा एका पिरियड फिल्ममध्ये मोठ्या पडद्यावर दिसणार आहे. यात अभिनेता छत्रपती शिवाजी महाराजांची (Chhatrapati Shivaji Maharaj) भूमिका साकारणार असल्याचे बोलले जात आहे.

शाहिद कपूर छत्रपती शिवाजीच्या भूमिकेत? शाहिद त्याच्या कबीर सिंग टीमसोबत या मोठ्या प्रोजेक्टवर चर्चा करत आहे. कबीर सिंगचे निर्माते अश्विन वर्दे यांनी या प्रकल्पावर काम करण्याचा निर्णय घेतला असून या संदर्भात ते दक्षिणेतील मोठ्या निर्मिती कंपनी लायका प्रॉडक्शनशी हातमिळवणी करू शकतात. ही बातमी खरी ठरली तर शाहिद चित्रपटात ऐतिहासिक व्यक्तिरेखा साकारण्याची ही दुसरी वेळ असेल.

यापूर्वी त्यांनी संजय लीला भन्साळी (Sanjay Leela Bhansali) यांच्या पद्मावत या महत्त्वाकांक्षी चित्रपटात राजा महारावल रतन सिंह यांची भूमिका साकारली होती. त्या चित्रपटातील त्यांची व्यक्तिरेखा खूप आवडली आणि अभिनेत्याच्या अभिनयानेही सर्वांची मने जिंकली.

यंदाच्या ‘ग्रॅमी’मध्ये पंतप्रधान नरेंद्र मोदी यांनाही नामांकन! पुरस्कार सोहळा कुठे पाहता येणार? …

शाहिदला न्याय मिळेल का? अशा परिस्थितीत एखाद्या अभिनेत्याने मोठ्या पडद्यावर छत्रपती शिवाजी महाराजांची भूमिका साकारली तर लोकांच्या अपेक्षा आहेत. वीर शिवाजी हे सर्वांच्या श्रद्धेचे प्रतिक असून त्यांच्यावर चित्रपट बनल्यास प्रेक्षक प्रत्येक बारीकसारीक गोष्टीवर बारीक नजर ठेवतात आणि कोणत्याही प्रकारची चूक खपवून घेतली जात नाही. छत्रपती शिवरायांची भूमिका साकारण्याची ही काही पहिलीच वेळ नाही. अभिनेता रितेश देशमुखही (Riteish Deshmukh) त्याच्या प्रोडक्शन हाऊसच्या माध्यमातून या खास प्रोजेक्टवर काम करत असल्याचं वृत्त आहे. अशा काही बातम्या आहेत ज्यात अभिनेता सलमान खानला (Salman Khan) या भूमिकेत कास्ट करण्याची तयारी सुरू असल्याचे सांगण्यात आले आहे.

शाहिद कपूरच्या आगामी चित्रपटांबद्दल बोलायचे झाले तर तो जर्सीमध्ये क्रिकेटरची भूमिका साकारणार आहे. त्याचवेळी, त्याने ओटीटी पदार्पणासाठी विशेष तयारी देखील केली आहे. असे म्हटले जात आहे की अभिनेत्याने काही OTT प्लॅटफॉर्मसह एक मोठा करार केला आहे आणि तो लवकरच घोषणा करण्याची शक्यता आहे.

संबंधित बातम्या