Tharalay Forever Hruta Durgule Team : ‘ठरलंय फॉरेवर’ नावातच एक हलकीशी उब आहे. प्रेम, आठवणी, आणि नव्या सुरुवातींचं वचन. आणि जेव्हा या भावनांना संगीत, अभिनय आणि आधुनिक तंत्रज्ञानाची जोड मिळते, तेव्हा मराठी रंगभूमीवर एक नवं पर्व उगवतं. याच नव्या प्रवासाची सुरुवात झाली ‘ठरलंय फॉरेवर’ या नाटकाच्या संगीत प्रकाशन सोहळ्यात. ऋता दुर्गुळे, कपिल रेडकर, अक्षता आचार्य, ऋषी मनोहर आणि संगीतकार अनिरुद्ध निमकर. ही तरुण टीम रंगभूमीला नव्या युगाची ओळख देण्यासाठी सज्ज झाली आहे.
संगीतमय अनुभव देण्याचा प्रयत्न
अभिनेत्री आणि सहनिर्माती ऋता दुर्गुळे हसत म्हणाली, हे नाटक म्हणजे एक टीमवर्क आहे. प्रत्येक विभागाने — तांत्रिक, कलात्मक आणि भावनिक — आपलं 100% दिलं आहे. ‘ठरलंय फॉरेवर’ (Tharalay Forever) आमच्यासाठी फक्त एक नाटक नाही, तर एक भावना आहे. दिग्दर्शक ऋषी मनोहर म्हणाले, थिएटरमध्ये नवा अनुभव, नवी दृश्यभाषा आणि नवा सूर शोधायचा (Hruta Durgule Team) होता. लाईव्ह गाणी, एलईडी पार्श्वभूमी आणि आधुनिक कथनशैली — या तिन्हींच्या संगमातून ‘ठरलंय फॉरेवर’ जन्माला (Entertainment News) आलं. प्रेक्षकांना फक्त नाटक नव्हे, तर एक संगीतमय अनुभव देण्याचा आमचा प्रयत्न आहे.
सहज, जिवंत आणि सध्याच्या काळाशी जोडणारं
या नाटकाचं संगीत अनिरुद्ध निमकर यांनी दिलं असून, सर्व गाणी स्वतः ऋता दुर्गुळे आणि कपिल रेडकर यांनी गायली आहेत. कलाकारच गातात, अभिनय करतात आणि भावना साकारतात — हीच या प्रयोगाची खरी (Marathi Movie) ओळख. ‘ठरलंय फॉरेवर’ हे फक्त तरुणांसाठीच नाही, तर लहान मुलांपासून ते आजी–आजोबांपर्यंत सगळ्यांना भावेल असं नाटक आहे. भाषेच्या दृष्टीनेही हे ‘मराठी आणि आजच्या पिढीची भाषा’ अशा छान संगमातून तयार झालं आहे. सहज, जिवंत आणि सध्याच्या काळाशी जोडणारं.
वाइड विंग्स मीडियाची निर्मिती असलेलं हे नाटक 18 ऑक्टोबरपासून रंगभूमीवर सज्ज होत आहे. कदाचित इथून पुढे मराठी थिएटरचा सूरच बदलणार आहे.