Bigg Boss 19 Final : बिग बॉस 19 चा ग्रँड फिनाले रविवार, 7 डिसेंबर रोजी होणार आहे. गौरव खन्ना, तान्या मित्तल, फरहाना भट्ट, प्रणीत मोरे आणि अमाल मलिक हे टॉप पाच फायनलिस्ट आहेत. यामुळे चाहत्यांमध्ये या सीझनचा विजेता कोण असेल याबद्दल मोठी उत्सुकता निर्माण झाली आहे. दरम्यान, विकिपीडियानुसार, गौरव खन्ना यांना बिग बॉस 19 चा विजेता घोषित करण्यात आले आहे. ही बातमी चाहत्यांसाठी धक्कादायक आहे, कारण मतदान अद्याप सुरू झालेले नाही आणि अंतिम फेरीला अजून काही तास बाकी आहेत.
विकिपीडियाने गौरव खन्ना यांना बिग बॉस 19 चा विजेता घोषित
विकिपीडियाच्या पेजवरील माहितीनुसार, गौरव खन्ना (Gaurav Khanna) यांना शोचा विजेता घोषित करण्यात आले आहे. तान्या, प्रणीत, फरहाना आणि अमाल या अंतिम स्पर्धक आहेत, तर इतर स्पर्धकांनाही बाहेर काढण्याची घोषणा करण्यात आली आहे. त्यामुळे, निर्मात्यांनी विजेत्याचे नाव आधीच जाहीर केले आहे की शेवटच्या क्षणी नाव बदलले जाईल याबद्दल सोशल मीडियावर चर्चा सुरू झाली आहे.
या सेलिब्रिटींनी बिग बॉसचा किताब जिंकला
करणवीर मेहरा यांनी सीझन 18 जिंकला, मुनावर फारुकी यांनी सीझन 17 जिंकला, एमसी स्टॅन यांनी सीझन 16 जिंकला, तेजस्वी प्रकाश यांनी सीझन 15 जिंकला, रुबिना दिलाइक यांनी सीझन 14 जिंकला, सिद्धार्थ शुक्ला यांनी सीझन 13 जिंकला, दीपिका कक्कर यांनी सीझन 12 जिंकला, शिल्पा शिंदे यांनी सीझन 11 जिंकला, मनवीर गुर्जर यांनी सीझन 10 जिंकला, प्रिन्स नरुला यांनी सीझन 9 जिंकला, गौतम गुलाटी यांनी सीझन 8 जिंकला, गौहर खान यांनी सीझन 7 जिंकला, उर्वशी ढोलकिया यांनी सीझन 6 जिंकला, जुही परमार यांनी सीझन 5 जिंकला, श्वेता तिवारी यांनी सीझन 4 जिंकला, विंदू दारा सिंह यांनी सीझन 3 जिंकला, आशुतोष कौशिक यांनी सीझन 2 जिंकला आणि राहुल रॉय यांनी सीझन 1 जिंकला.
गोव्यातील नाईट क्लबमध्ये भीषण आग, 23 जणांचा मृत्यू ; मुख्यमंत्र्यांनी दिले चौकशीचे आदेश
तर दुसरकडे फैसल शेख आणि इतर टीव्ही स्टार गौरव खन्नाला पाठिंबा देताना दिसतात. युट्यूबर मृदुल तिवारी देखील गौरव खन्नाला ट्रॉफी जिंकण्याची इच्छा बाळगतात. यामुळे, बिग बॉस १९ ट्रॉफी कोण जिंकेल हे जाणून घेणे मनोरंजक असेल.