७५ वर्षीय शरद यादव यांना गुडगावमधील फोर्टिस रुग्णालयात दाखल करण्यात आले होते. शरद यादव यांची मुलगी सुभाषिनी यांनी शरद यादव यांच्या निधनाची सोशल मीडियावरून दिली.
2 / 7
शरद यादव अनेक वर्ष जनता दल युनायटेड (जेडीयू)चे अध्यक्ष होते. 2017 मध्ये पक्षांतर्गत वादामुळे जेडीयूने त्यांना राज्यसभेतील पक्षनेतेपदावरून हटवले होते. यामुळे त्यांनी जेडीयू मधून बाहेर पडून 2018 मध्ये स्वतःचा डेमोक्रेटिक जनता दल (LJD) पक्ष स्थापन केला.
3 / 7
मात्र गेल्या वर्षी मार्चमध्ये त्यांनी आपला पक्ष राष्ट्रीय जनता दल (आरजेडी) मध्ये विलीन केला होता.
4 / 7
1974 मध्ये जबलपूरमधून लोकसभा पोटनिवडणूक जिंकून शरद यादव पहिल्यांदा खासदार झाले होते. 1977 मध्ये ते जबलपूरमधून पुन्हा लोकसभेत पोहोचले.
5 / 7
1981 आणि 1984 मध्ये ते अमेठी आणि बदायूंमधून लोकदलाच्या तिकिटावर पराभूत झाले. पण त्यानंतर 1989 मध्ये ते जनता दलाच्या तिकिटावर बदायूमधून लोकसभेत पोहोचले.
6 / 7
नितीश कुमार आणि जॉर्ज फर्नांडिस यांच्यासोबत 1997 मध्ये जेडीयूची स्थापना झाली. शरद यादव 1999 मध्ये मधेपुरामधून विजयी होऊन लोकसभेत पोहोचले. अटलबिहारी वाजपेयी यांच्या सरकारमध्ये ते नागरी विमान वाहतूक, कामगार खाते आणि ग्राहक व्यवहार या खात्यांचे मंत्री होते.
7 / 7
2004 मध्येही निवडणूक लढवली पण लालू यादव यांच्याकडून पराभव झाला. त्यानंतर त्याच वर्षी ते राज्यसभेवर निवडून गेले. शरद यादव यांनी शेवटची 2019 ची लोकसभा निवडणूक मधेपुरामधून लढवली होती, पण त्यांचा पराभव झाला होता.
