Earthquake Hits Russia : रशिया (Russia) आज एका शक्तिशाली भूकंपाने हादरला आहे. जपानच्या हवामान संस्थेने सांगितले की, रशियाच्या कामचत्स्की द्वीपकल्पाजवळ एक शक्तिशाली भूकंप (Earthquake) झाला. संस्थेने सांगितले की, भूकंपाची सुरुवातीची तीव्रता 8.0 इतकी नोंदवण्यात आली आहे. अमेरिकेच्या त्सुनामी चेतावणी यंत्रणेने रशिया आणि जपानच्या काही किनारी भागात पुढील (Tsunami Warning Issued) तीन तासांत धोकादायक त्सुनामी लाटांचा इशारा देखील दिला आहे.
वायव्य हवाईयन बेटे आणि रशियाच्या किनारी भागात भरती-ओहोटीच्या पातळीपेक्षा 3 मीटर (10 फूट) पेक्षा जास्त उंचीच्या त्सुनामीच्या लाटा उसळण्याची शक्यता आहे. एजन्सीने जपानच्या पॅसिफिक किनाऱ्यासाठी 1 मीटर पर्यंत त्सुनामीचा इशारा जारी केला आहे. जपानच्या NHK टेलिव्हिजननुसार, भूकंप होक्काइडोपासून सुमारे 250 किलोमीटर अंतरावर होता आणि फक्त सौम्य धक्के जाणवले.
मुख्यमंत्री सहाय्यता निधी मराठवाड्यासाठी मदतीचा हात; तब्बल 3 हजार रुग्णांना 25 कोटींची मदत
त्सुनामीचा इशारा जारी
खरंतर, रशियाच्या पूर्व किनाऱ्यावर 8.0 रिश्टर स्केलच्या भूकंपानंतर त्सुनामीचा इशारा देण्यात आला आहे. मंगळवारी युनायटेड स्टेट्स जिओलॉजिकल सर्व्हेने सांगितले की, रशियातील कामचत्स्कीपासून 136 किलोमीटर पूर्वेला भूकंप झाला. जपानच्या हवामान संस्थेने देशासाठी त्सुनामीचा इशारा जारी केला आहे, ज्यामध्ये 1 मीटर उंचीच्या लाटा येण्याचा इशारा देण्यात आला आहे.
पॅसिफिक त्सुनामी वॉर्निंग सेंटरने हवाई राज्यासाठी तातडीचा त्सुनामीचा इशारा जारी केला आहे. हवाई काउंटी सिव्हिल डिफेन्स एजन्सीने सोशल मीडिया पोस्टमध्ये म्हटले आहे की भूकंप इतका शक्तिशाली असू शकतो की हवाईमध्ये विनाशकारी लाटा उसळू शकतात.
भारताचा चीन-नेपाळला दणका! घेतला ‘हा’ मोठा निर्णय; दोन्ही देशांना बसणार आर्थिक भुर्दंड
धोका का वाढला आहे?
अमेरिकन भूगर्भीय सर्वेक्षणानुसार, भूकंप उथळ होता, तो फक्त 19.3 किलोमीटर (12 मैल) खोलीवर धडकला, ज्यामुळे पृष्ठभागावरील कंपन आणि त्सुनामीचा धोका वाढला. याव्यतिरिक्त, एजन्सीने अहवाल दिला आहे की भरती-ओहोटीच्या पातळीपेक्षा 0.3 ते 1 मीटर (1 ते 3.3 फूट) उंचीच्या त्सुनामी लाटा चुक, कोसरे, मार्शल बेटे, पलाऊ आणि फिलीपिन्सच्या काही भागांपर्यंत पोहोचू शकतात.
आपत्कालीन समितीची स्थापना
जपानचे पंतप्रधान शिगेरू इशिबा यांना भूकंपाची माहिती देण्यात आली. त्यानंतर लगेचच सरकारने माहिती गोळा करण्यासाठी आणि प्रतिसाद योजना आखण्यासाठी एक आपत्कालीन समिती स्थापन केली. रशियाच्या प्रादेशिक राज्यपालांनी सुरुवातीच्या अहवालांचा हवाला देत सांगितले की भूकंपात आतापर्यंत कोणतीही जीवितहानी झालेली नाही. प्रभावित क्षेत्रातील एका बालवाडीचे नुकसान झाले आहे.
सर्वात शक्तिशाली भूकंप
कामचत्स्कीचे गव्हर्नर व्लादिमीर सोलोडोव्ह यांनी टेलिग्राम मेसेजिंग अॅपवर पोस्ट केलेल्या व्हिडिओमध्ये म्हटले आहे की, आजचा भूकंप हा दशकातील सर्वात तीव्र आणि शक्तिशाली होता. भूकंप आणि त्सुनामीच्या धोक्यानंतर रशियाच्या सखालिन प्रदेशातील सेवेरो-कुरिलस्क या छोट्या शहरात रहिवाशांचे स्थलांतर सुरू आहे, अशी पुष्टी सखालिनच्या गव्हर्नरांनी केली आहे. या प्रदेशातील लोकांची सुरक्षितता सुनिश्चित करण्यासाठी अधिकारी जलदगतीने काम करत आहेत. अधिकाऱ्यांनी रहिवाशांना सतर्क राहण्याचे आणि सर्व आपत्कालीन सूचनांचे पालन करण्याचे आवाहन केले आहे.
