PM Modi Spoke to Elon Musk : पंतप्रधान नरेंद्र मोदी यांनी (PM Narendra Modi) शुक्रवारी टेस्ला कंपनीचे मालक एलन मस्क यांना (Elon Musk) फोन केला. यावेळी भारत आणि अमेरिका यांच्यात (India US Relation) तांत्रिक आणि इनोवेशनच्या क्षेत्रात एकत्रित काम करण्याची इच्छा व्यक्त करण्यात आली. भारतात वेगाने वाढणारे टेक्नॉलॉजी सेक्टर आणि एलन मस्क यांच्या कंपन्यांत सहकार्याच्या मु्द्द्यावर चर्चा झाली.
एअरटेलची एलन मस्कच्या कंपनीसोबत हातमिळवणी! शेअर्सच्या किमतीत वाढ, गुंतवणूक करण्याची योग्य वेळ?
पीएम नरेंद्र मोदी यांनी सोशल मिडियावर एक पोस्ट केली आहे. यात त्यांनी म्हटलं आहे की मी एलन मस्क यांच्याशी अनेक महत्वाच्या मुद्द्यांवर चर्चा केली. यावर्षाच्या सुरुवातीला वॉशिंग्टनमध्ये ज्या मुद्द्यांवर चर्चा झाली होती त्या विषयांचा यात समावेश होता. तांत्रिक आणि इनोवेशन क्षेत्रात एकत्रित काम करण्यातील शक्यतांवर चर्चा करण्यात आली. या क्षेत्रात भारत अमेरिकेबरोबरील आपली भागीदारीला आधिक बळकट करण्यासाठी तयार आहे असे पंतप्रधान मोदी यांनी पोस्टमध्ये म्हटले आहे.
Spoke to @elonmusk and talked about various issues, including the topics we covered during our meeting in Washington DC earlier this year. We discussed the immense potential for collaboration in the areas of technology and innovation. India remains committed to advancing our…
— Narendra Modi (@narendramodi) April 18, 2025
पंतप्रधान नरेंद्र मोदी आणि एलन मस्क यांची भेट फेब्रुवारी महिन्यात झाली होती. त्यावेळी पीएम मोदी अमेरिका दौऱ्यावर होते. या भेटीत इलेक्ट्रिक वाहने, सौर ऊर्जा, अंतराळ या क्षेत्रात एकत्रित काम करण्यांच्या शक्यतांवर चर्चा झाली होती. या भेटीनंतर पीएम मोदींनी एलन मस्क यांच्या मुलांना काही पुस्तके भेट दिली होती. यात गुरुदेव रवींद्रनाथ टागोर यांचे द क्रसेंट मून, आर. के. नारायण यांचे द ग्रेट आर. के. नारायण कलेक्शन आणि पंडित विष्णू शर्मा यांचे पंचतंत्र या पुस्तकांचा समावेश होता.
