King Charles III Coronation: उपराष्ट्रपती जगदीप धनखड़ (Jagdeep Dhankhar) यांनी शुक्रवारी (5 मे) लंडनमध्ये राजा चार्ल्स तिसरा यांची भेट घेतली. ब्रिटनचे नवे राजे चार्ल्स तिसरे यांचा शनिवारी (5 मे) वेस्टमिन्स्टर अॅबे येथे औपचारिक राज्याभिषेक होणार असून त्यात उपस्थित राहण्यासाठी उपराष्ट्रपती जगदीप धनखड़ शुक्रवारी लंडनमध्ये दाखल झाले आहेत. धनखड़ यांच्यासोबत त्यांच्या पत्नी डॉ. सुदेश धनखड़ हेही आले आहेत.
RR vs GT : गुजरातच्या फिरकीपुढे राजस्थान डाव केवळ 118 धावांत आटोपला
ब्रिटनच्या नव्या शासकाच्या ऐतिहासिक राज्याभिषेकात सुमारे 100 राष्ट्रप्रमुख किंवा सरकार प्रमुख सहभागी होण्याची अपेक्षा आहे. परराष्ट्र मंत्रालयाचे प्रवक्ते अरिंदम बागची यांनी ट्विट केले की, “उपराष्ट्रपतींनी राजा चार्ल्स तिसरा यांना त्यांच्या राज्याभिषेकाबद्दल अभिनंदन केले आणि भारत-यूके सर्वसमावेशक धोरणात्मक भागीदारी आणखी मजबूत करण्याच्या वचनबद्धतेची पुष्टी केली.”
Hon'ble Vice President, Shri Jagdeep Dhankhar interacted with King Charles III during reception hosted by him for Commonwealth leaders at Marlborough House, London. @MEAIndia pic.twitter.com/oEs9rSrbZw
— Vice-President of India (@VPIndia) May 5, 2023
उपराष्ट्रपती जगदीप धनखड़ यांच्यासाठी हा पहिलाच प्रसंग होता जेव्हा त्यांनी ब्रिटनच्या 74 वर्षीय महाराजांना त्यांच्या राज्याभिषेकापूर्वी अॅबे येथे भेट दिली. बकिंघम पॅलेस येथे महामहिम चार्ल्स तिसरे यांनी विविध राष्ट्रप्रमुख, नेते आणि इतर अधिकाऱ्यांसाठी आयोजित केलेल्या स्वागत समारंभात उपराष्ट्रपतींना आमंत्रित करण्यात आले होते. धनखड़ यांनी या काळात विविध देशांच्या नेत्यांशी चर्चाही केली.
