Pravin Darekar Accident : भाजपचे विधान परिषदेचे आमदार प्रवीण दरेकर (Darekar) यांच्या ताफ्यातील एका गाडीला ईस्टर्न फ्री वेवर अपघात झाला. सायनच्या दिशेने जात असताना ताफ्यातील वाहनाचा अपघात झाला असून, या गाडीने टॅक्सी आणि अन्य 2 कारला धडक दिल्याची प्राथमिक माहिती आहे. या घटनेनंतर काही काळ फ्री वेवर वाहतूक कोंडी झाली होती.
मिळालेल्या माहितीनुसार, प्रवीण दरेकर यांचा ताफा सायनच्या दिशेने जात असताना ही घटना घडली. ताफ्यातील गाडीचा चालकाचा वाहनावरील ताबा सुटला किंवा अचानक समोर आलेल्या वाहनामुळे अपघात झाला असावा, असा प्राथमिक अंदाज व्यक्त करण्यात येत आहे. धडकेमुळे संबंधित वाहनांसह अन्य गाड्यांचेही नुकसान झाले आहे.
तर दुष्काळच पडला नसता, शरद पवारांच्या दुष्काळ दौऱ्यावर भाजप मंत्री जयकुमार गोरेंचा टोला
अपघाताची माहिती मिळताच पोलीस घटनास्थळी दाखल झाले. अपघातग्रस्त वाहने बाजूला करून पोलिसांनी काही वेळातच वाहतूक सुरळीत केली. या घटनेमुळे ईस्टर्न फ्री वेवर काही काळ वाहनांच्या रांगा लागल्या होत्या. दरम्यान, अपघात नेमका कोणत्या कारणामुळे झाला, याचा तपास पोलीस करत आहेत.
या अपघातात आमदार प्रवीण दरेकर यांना कोणतीही दुखापत झालेली नाही. ते सुरक्षित असल्याची माहिती समोर आली आहे. त्यामुळे त्यांच्या समर्थकांनी सुटकेचा निःश्वास सोडला आहे. दरम्यान, चालकाचा ताबा सुटला होता का, अचानक समोर वाहन आल्याने धडक झाली का किंवा अन्य काही कारण होते का, याबाबत पोलिसांच्या तपासानंतरच अधिक स्पष्ट माहिती समोर येणार आहे.